कोरियामा सुतेकै अवस्थामा मृत्यु हुने आतंकले फेरी शिर उठायो
सोल
विदेशमा काम गर्न गएका नेपालीहरु सुतेकै आवस्थामा अचानक मृत्यु हुने आतंकले हरेकलाई त्रसित पारेको छ । यो अज्ञात डरले कोरिया बासी नेपालीलाई पनि छाडेको छैन् । कोरियामा पनि सुतेकै अवस्थामा मृत्यु हुनेको संख्या बढ्दो छ ।
यसैक्रममा शनिबार विहान फेनतेक स्थित एक कृषी फार्ममा काम गर्ने दिल बहादुर थापाको सुतेकै अवस्थामा निधन भएको खबरले कोरियाबासी सबैलाई दुखी बनाएको छ । स्याइ०जा कृष्ण गण्डकी गाउँपालीका निवासी ३६ वर्षिय थापा सात महिना अघि मात्र इपिएस मार्फत कोरिया आएका थिए । विहान करिब ११ बजेतिर पनि नउठेपछि खाना खान संगै बस्ने साथीले बोलाउदा थापाको शरिर चिसो भइसकेको जनाइएको छ ।
थापाको शबलाई प्रहरीको निरक्षण पछि स्थानिय अस्पतालमा राखिएको छ । नेपालमा परिवारलाई पनि खबर गरिसकेको श्रम सहचारीले जनाएको छ । परिबारबाट शबलाई नेपाल पठाउन सहमति पत्र प्राप्त हुनसाथ नेपाल पठाइने उनले थपे । निरक्षण गर्न सोमबार दूताबासका कर्मचारी घटना स्थाल जाने भएका छन् ।
संगै सुतेको साथी अचानक यस्तो अवस्थामा भेटिदा कस्तो मनस्थिती होला भोग्नेलाई नै थाहा हुन्छ । यस्तो अवस्था बारे सुन्नेलाई पनि अवाक बनाएको छ । सुतेकै अवस्थामा किन मृत्यु हुन्छ भन्ने बारे दूताबासद्धारा अध्ययन टोली बनाएर प्रतिवेदन तयार पारेपनि कमि हुन सकेको छैन् । त्यस्तै स्वस्थ्य सचेतना कार्यक्रम गरेपनि प्रभावकारी हुन सकेको छैन् । वास्तवामा भन्ने हो भने यसको ठोस कारण नै पत्ता लगाउन सकेको छैन् ।
कोरियामा तग वर्ष २०१७ मा ६ जनाले सुतेकै अवस्थामा ज्यान गुमाएको देखिन्छ । यस वर्षको शुरुवाती तेस्रो महिनामा थापाको निधन भएको छ । शनिबार एक नेपालीको शबलाई अन्त्येष्ठी कै क्रममा अर्को नेपालीको अज्ञात कारण अचानक मृत्युको खबर फैलिएको थियो । सुतेकै अवस्थामा अचानक आश्चार्यजनक मृत्यु हुने यो अज्ञात डरले फेरी शिर उठाएको छ । सम्पूर्ण नेपाली सचेत हुन र स्वास्थ्यमा ख्याल दिन आवश्यक छ ।
