कोरियाबाट बिनोद परियारको सकृयतामा मृगौला पीडित जलजला परियार लाई एक लाख रुपैयाँ हस्तान्तरण
बिगत एक दशकदेखि कोरियाको ख्वाङ्जुलाइ कर्मथलो बनाउदै आएका गोर्खाका बिनोद परियारले दुबै मृगौला फेल भइ उपचार गराइरहेकी गायिका जलजला परियारलाई एक लाख रुपैयाँ संकलन गरेर हस्तान्तरण गरेका छन् ।
कमजोर आर्थिक अबस्थाका कारण मृगौला जस्तो जटिल र महँगो रोगबाट पिडित भएकी जलजलाले सहयोगको अपिल गर्ने बित्तिकै बिनोदले पनि आफ्नै ब्यक्तिगत पहलमा आर्थिक संकलन अभियान संचालन गरेका थिए ।
केही हप्ता सहयोग अभियान संचालन गर्दा सहयोगि दाजुभाइ दिदिबहिनीहरुबाट झण्डै ९० हजार रुपैया संकलन भएको र आफुले १० हजार रुपैया थप गरि एक लाख रुपैयाँ हस्तान्तरण गरेको बिनोदले बताएका छन् ।
प्रबाशी जिबनको कठिनाइका कारण आफू उपस्थित हुन नसके पनि संकलित रकम शान्ति तामाङ मार्फत जलजलाको दिदी बिन्दु परियारलाइ आजै एक कार्यक्रम गरि सुम्पिएको उनले जनाए ।
जलजला केही दिन पहिला मात्र थप उपचारका लागि भारतमा गएकी छन् । सहयोग रकम बुझ्दै जलजलाकि दिदी बिन्दु परियारले बैनिको ज्यान बचाउन सहयोग गर्नु हुने सबै सहयोगी दाताहरुलाई धन्यवाद दिइन् ।
अर्घखाँची भुमिकास्थान २ की २१ बर्षिया जलजला नेपाली तारा सिजन ३ को उत्कृष्ट चारमा पर्न सफल भएकी सुमधुर स्वरकी धनि गायिका हुन् । हाल उनी भारतको कलकत्तामा शास्त्रीय संगीत बिषयमा स्नातक दोस्रो वर्षमा अध्ययनरत रहेकी छिन् ।
