नेपाल पत्रकार महासंघ दक्षिण कोरियाको साधारण सभा सम्पन्न
नेपाल पत्रकार महासंघ दक्षिण कोरिया शाखाको साधारण सभा सम्पन्न भएको छ । मार्च २५ तारिख आइतबारका दिन कोरियाको राजधानी सौलस्थित नेपाल हाउसमा सम्पन्न उक्त साधारण सभामा प्रमुख अथिति महामहिम राजदुत अर्जुनजंग बहादुर सिंह, विशेष अथिति सेतोपाटी डट कमका ग्लोबल सम्पादक ज्योती देवकोटा सहित कोरियाका विभिन्न संघ संस्थाका प्रतिनिधिहरुको उपस्थिति रहेको थियो ।
कार्यक्रममा बोल्दै प्रमुख अथिति राजदुत सिंहले कोरियामा रहेका नेपालीहरुमाझ आईपर्ने समस्याका समाधान गर्न राजदुतावास सधै सक्रिय रहने धारणा व्यक्त गरेका थिए । त्यस्तै राजदुतावासले गरेका सम्पुर्ण कार्यक्रमहरुको बारेमा जानकारि दिनको लागि दुताबासले सामाजिक संजाल टुईटरको समेत संचालन गरेको जानकारि गराए ।
त्यसैगरि प्रवासमा रहेर पत्रकारिता गरिरहेका तथा कार्यक्रमका बिशेष अतिथि ज्योति देबकोटाले प्रवासि भुमिमा रहेर पत्रकारिता गर्दा आईपर्ने चुनौतिका बारेमा जानकारि गराएका थिए । सोहि कार्यक्रममा आफ्नो कोरिया बसाई सकेर नेपाल फर्किन लागेका पत्रकार महासंघ कोरिया शाखाका सह सचिव किशन गौतम र सदस्य नेत्र नारायण पौडेललाई सम्मान एंव बिदाई कार्यक्रम समेत गरिएको थियो ।
कार्यक्रम महासंघका अध्यक्ष खेमबहादुर कार्किको सभापतित्व एव किशन गौतमको संचालनंमा सम्पन्न भएको थियो ।
