तीन नम्बर प्रदेश एकता समाजको गठन
दक्षिण कोरियामा रहेका तीन नम्बर प्रदेशका गठन भएका बिभिन्न संघसंस्थाको एकता समाज गठन भएको छ । संस्थाको आइतबार भएको भेलाबाट अध्यक्षमा किशोर ब्लोन नियोग निर्विरोध चयन भएका छन् ।
समितिमा वरिष्ठ उपाध्यक्षमा नुवाकोटका यादु कुमार गिरी, उपाध्यक्षमा दोलाखाका सरोज केसी, धादिङका सन्तोष अधिकारी, भक्तपुरका रमेश गिरी चयन भएका छन् । त्यस्तै महासचिवमा काभ्रेका राजेन्द्र दुलाल, सचिवमा चितवनका बिजय अर्याल, रामेछापका रबि प्रताप घिसिङ, सिन्धुपाल्चोकका नवीन श्रेष्ठ र कोषाध्यक्षमा दोलखाकी ज्ञानी चौहान, सहकोषाध्यक्ष रामेछापका बुद्ध लामा चयन भएका छन् ।
अहिले सञ्जय खत्री मात्र सदस्यका रुपमा रहेका छन् । बाँकी अन्य सदस्यहरु समाजको पहिलो बैठकले चयन गरि २१ सदस्यीय समिति बनाइनेछ । समाजको भेलालाई दक्षिण कोरियाका लागि नेपाली राजदूत अर्जुन जंग बहादुर सिंहले उद्घाटन गरेका थिए भने कोरियामा रहेका बिभिन्न संघ संस्थाका प्रतिनिधिहरुले सम्बोधन गरेका थिए ।
