सानो मिल्ती खोला हाइड्रोपावरको प्रगति बिबरणकाे जानकारी दिन काेरियामा भेटघाट कार्यक्रम गर्दै।
दक्षिण कोरियामा कार्यरत नेपालीहरुको लगानीमा रामेछाप जिल्लाको मन्थली नगरपालिका वडा नं. १३र १४ मा निर्माणाधिन सानो मिल्ती खोला हाइड्रोपावरको अधिकांश कार्यहरु सम्पन्न भएका छन। अायाेजनाकाे बारेमा जानकारी दिन काेरियामा शेयर सदस्य बीचमा भेटघाट कार्यक्रमकाे अायाेजना गरिएकाे छ। यहि मे महिनाकाे १३ तारिख सुवनमा भेटघाट कार्यक्रमकाे अायाेजना गरिएकाे जानकारी सानाे मिल्ती खाेला अायाेजनाका अध्यक्ष सुरेश लिम्बुले बताए।
झण्डै ५२ करोडको कुल लागतमा सम्पन्न हुने यस आयोजनामा राष्ट्रिय बाणिज्य बैंकले ३० करोड ७९लाख ॠण लगानी गर्ने सम्झौतामा हालै हस्ताक्षर गरिएको छ।
यस अघि कोरियामा कार्यरत नेपालीहरुले एस एम इन्भेष्टमेण्ट कम्पनी मार्फत १२ करोड रुपैयाँ संकलन गरेर आयोजनाको निर्माण कार्य सुरु गरेका थिए।कम्पनी लाई आवाश्यक ९ करोड रुपैयाँ पनि दक्षिण कोरियामा रहने नेपालीहरु मार्फत संकलन गरी आयोजना सम्पन्न गर्ने लक्ष्य रहेको एस एम इन्भेष्टमेण्ट कम्पनीका अध्यक्ष कपिल न्यौपानेले जानकारी गराउनुभएको छ।
एक बर्ष अघि आयोजनाको निर्माणको लागी थोदुङ एण्ड वाईवा जे,भी, मार्फत निर्माण कार्य थालनी गरी आयोजना स्थल जाने बाटो निर्माण सम्पन्न गरी हाल बाँध बाँध्ने स्थलको लागी आवाश्यक निर्माण सामग्री कंक्रिट प्लान्ट जडान भैरहेको र नहरको लागी बेस तयार गरीदै रहेको जनाईएको छ।
आगामी डेढ वर्ष भित्र निर्माण सम्पन्न गर्ने लक्ष्य अनुरुप कार्य भैरहेको आयोजनाको विद्युत उत्पादन पश्चात दोलखाको किर्नेटार शव स्तेशन मार्फत राष्ट्रिय प्रशारणमा जोडिनेछ। आयोजनाका अध्यक्ष शुरेश लिम्बुका अनुसार बिदेशमा बस्ने नेपालीहरुको निम्ति यो आयोजना एउटा नमुना कार्य रहेको र यस आयोजना लाई द्रुत गतिमा सम्पन्न गरे पश्चात तत्काल अन्य ठुला आयोजनाको पनि निर्माण गर्ने तयारी रहेको छ।
स्मरण रहोस कोरियामा बस्ने नेपालीहरुको लगानीमा निर्माण हुने यस आयोजना लाई सरकारले राष्ट्रिय गौरवको आयोजनाको सुचीमा राखेको छ। अधिकांश लगानीकर्ताहरु कोरियामै रहेको हुनाले लगानिकर्ताहरु माझ आयोजनाको प्रगति विवरण जानकारी गराई आवश्यक छलफलको लागी आयोजनाका अध्यक्ष शुरेश लिम्बुको टोली हाल कोरिया भ्रमणमा रहेको जनाईएको छ। आयोजनाले आफ्ना लगानीकर्ताहरुलाई भेटघाटको निम्ति कोरियाका विभिन्न शहरहरुमा कार्यक्रम राखिएको बताइएको छ।
मिति :१३ मे २०१८
स्थान :मिसान सिजाङको सभाहल (स्वयम्भु रेष्टुरेन्ट नजीक) गेट न 9 बाट निस्किने
थप जानकारीको लागि :शुशिल मैनाली 01075999192, सन्तोष श्रेष्ठ 01050490532, सुरज केसी 01056444877
