बुद्ध प्रतिमा आइतबार अनावरण हुने : कार्यक्रम सहभागी हुन आयोजकको आग्रह
तँपाई दक्षिण कोरियामा हुनुहुन्छ भने धेरै रमाइलो ठाउँ घुम्नु भयो होला । धेरै बौद्ध गुम्बा पनि डुल्नु भयो होला । तर तँपाईले नेपाली कला झल्किने गुम्बा र गौतम बुद्धको अनुहार देख्नु भएको छ ? शायद छैन । अब चिन्ता नगर्नुस् । यही मे २० तारिख आइतबार देखि भने दक्षिण कोरियाको रमाइलो ठाउँ योङगीन सहरको वाउछाङ्सामा नेपाली अनुहारको बुद्ध र सानो चिटिक्क परेको गुम्बा देख्नु हुनेछ ।
नेपाली सम्पर्क समिति एनसीसी दक्षिण कोरिया र नेपाल बौद्ध परिवार दक्षिण कोरियाको लामो प्रयास पछि नेपालबाट बुद्धको मुर्ति कोरिया ल्याइएको छ । वाउछाङ्सामा आइतबार बुद्ध प्रतिमाको अनावरण कार्यक्रम रहेको छ । सो कार्यक्रममा नेपाली मात्र होइन योङइन सहरका मेयर, कोरियाको सस्कृति तथा पर्यटन मन्त्रालयका अधिकारी, कोरियाका विभिन्न मिडियाका पत्रकार, कोरियाका लागि नेपाली राजदूत लगाएत दक्षिण कोरियामा भएका संघसंस्थाका प्रतिनिधिहरु उपस्थित हुनेछन् ।
‘नेपाल चिनाउने अभियान थियो । हामी सफल भएका छौ । यो कार्यमा कोरियामा रहनु हुने सबै नेपालीको साथ पाइयो ।’ एनसीसीका अध्यक्ष अञ्जु केसीले भनिन् । ‘नेपालीले दक्षिण कोरियामा पैसा मात्र कमाएका छैनन् । आफ्नो देश चिनाउने काम पनि गरेका छन् भन्दा सबै नेपालीको गर्बले छाति फुल्नेछ ।’ उनले भाबुक हुँदै थपिन् । आइतबार हुने कार्यक्रममा कोरियामा हुने नेपालीलाई सहभागी हुन आग्रह गर्न भुलिनन् ।
‘बुद्ध प्रतिमा अभियानमा आर्थिक, नैतिक, भौतिक जे जस्तो सहयोग गर्नु भयो । हामी आभारि छौ ।’ बौद्ध परिवारका महासचिब प्रितम गुरुङ भने । ‘सबैको सरसहयोगले नै कार्यक्रम सफल भो । आइतबार पनि आइदिनु होला ।’
अनावरण कार्यक्रममा विभिन्न जातजातिको सांस्कृतिक कार्यक्रम, पञ्जे बाजा, भोजनको व्यावस्था र आवतजावतका लागि बसको पनि व्यावस्था गरिएको छ ।
