सिंगापुरमा ट्रम्प र किम जंगउनवीच शिखर वार्ता जारी

अमेरिकी राष्ट्रपति डोनाल्ड ट्रम्प र उत्तर कोरियाली सर्वोच्च नेता किम जंग उनवीच आज जुन १२ तारिख मंगलबार सिंगापरमा ऐतिहासिक शिखर वार्ता जारी रहेको छ । सेन्टोसा टापु स्थित क्याफेला होटलमा स्थानिय समय अनुसार विहान ९ बजे दुई नेता भेटेका थिए ।

विश्व शान्तिको लागि महत्वपुर्ण रुपमा हेरिएको यो वार्ता ७० वर्षपछि पहिलो पटक भएको हो । विगत लामो समय कडा टकराववीच कटुतामा रहेका परमाणु शक्तिशाली दुवै देशवीचको यो पहिलो शिखर वार्ता हो । गम्भीर मुद्रामा दुई विपरीत दिशाबाट आएका ट्रम्प र किमजंगले पहिलो पटक १२.५ सेकेन्डसम्म हात मिलाएका थिए । मुस्कुराउदै दुवै नेता केठातर्फ लागेका थिए ।

कोठामा दुई कुर्सीमा बसेपछि संचारमाध्यमसंग बोल्दै किमजंगले विगतमा खुट्टा बाँधिए जस्तै अवस्थामा रहेका हामी दुई यहासम्म आइपुग्न पनि सजिलो नभएको प्रतिक्रिया दिएका थिए । अब सबै राम्रो हुने आशा पुर्ण अभिव्यक्ति ट्रम्पले दिएका थिए ।

त्यसपछि आ आप्mना भाषा अनुवादक लिएर दुवै जना नेताहरु वान टु वान वार्तामा बसेका थिए । ४० मिनट बस्ने भनिएता पनि १० मिनट अघिनै वार्ता सकाएर बाहिर निस्केका थिए । बाहिर बरन्डामा निस्केर दुवै जनाले प्रसन्न मुद्रामा हाँस्दै हात हल्लाउदै अभिनन्दन गरेका थिए ।

हाल दुई मुख्य नेता सहित अन्य पदाधिकारी र अनुवादक गरी पाँच पाँच जनाको टोली टेवल वार्तामा बसीरहेका छन् । आज दिनभरमा वार्ता सकाउने आशा गरिएको छ ।

वार्ताको लागि दुई दिन अघि नै जुन १० तारिख दुवै नेताहरु सिंगापुर पुगेका थिए । पहिला सिंगापुर पुगेका किमजंग उन तीन वाटा विमान सहित सिंगापुरमा उत्रिएका थिए । तर कुन विमानमा किमजंग छन शुरुमा सार्वजनिक गरिएको थिएन । तीन मध्ये एउटा कार्गो विमानमा लेमुजिन कार लगेका थिए । भने उत्तर कोरियाको निजि विमानमा किमजंगको दहिने हात बहिनी थिए भने अर्को चाइना एरमा किमजंग बसेको जानकारी पछी सार्वजनिक भएको थियो ।