नेपाल बौद्ध परिवार काेरियाद्वारा अायाेजित भ्रमण कार्यक्रम सम्पन्न ।
नेपाल बाैद्द परिवार दक्षिण काेरियाले अायाेजना गरेकाे भ्रमण कार्यक्रम सफलता पुर्बक सम्पन्न भएकाेछ।
गत अाइतबार जुलाइ २२ तारिख २०१८ जुलाई २२ तारीखका दिन दोसंसा गुम्बा साैलको बिशेष सहयाेगमा दक्षिण कोरियाको पर्यटकिय तथा धार्मिक स्थल गाङ्वान-दो स्थित शिन हुङ्सा गुम्बा र नकसान फादा समुन्द्रको भ्रमण सफलता पूर्वक सम्पन्न गरेकाे नेपाल बाैद्द परिवारका अध्यक्ष पेम्बा दाेङ्बा ह्याेल्माेले बताए।
उक्त भ्रमणको अवसरमा शिन हुङ्सा गुम्बामा दोसंसा गुम्बा बिदेश विभागका आनी र सउल नेपाल गुम्बाका प्रमुख लामा कुन्सांग दोर्जेले गुरु पद्मा संभवको खास दिन तिथि १० (छेवा च्यु ) परेको हुनाले विधिबत ढंगले पूजा आजा गरेका थिए।
पूजाको लगत्तै दिउँसोको खाना खाई औपचारिक कार्यक्रम पनि गरिएकाे थियाे। अाैपचारिक कार्यक्रममा बाैद्द परिवारलाइ बिभिन्न किसिमले सहयाेग गर्ने बिभिन्न संघ संस्था र ब्यक्तिहरुलाई अध्यक्ष पेम्बा दोङ्बा ह्योल्मो र महासचिव प्रीतम गुरुङ्ले कदर पत्रले सम्मान गरेका थिए।
भ्रमणकाे सम्पुर्ण खर्च २ वटा बस भाडा, खाना अादी सबै दाेसन्सा गुम्बाले ब्यवस्था गरेकाे थियाे। करिब १०० जना सहभागी भएकाे भ्रमणमा नजिकै रहेकाे नकसान समुन्द्रमा खेलेर याे गर्मी माैसमकाे समयमा रमाइलाे गरेका थिए।
