तामाङ संघ दक्षिण कोरियाले गायक बाबु मोक्तानलाई विदाई गर्यो

दक्षिण कोरियामा तीन बर्ष देखि कार्यरत गायक बाबु मोक्तानलाई नेपाल तामाङ संघ दक्षिण कोरिया र नेपाल जनजाति महासंघ दक्षिण कोरियाले विदाई गरेको छ । उनी मंगलबार नेपाल फर्कदै छन् ।
विदाई कार्यक्रममा नेपाल तामाङ संघ दक्षिण कोरियाका महासचिव गोकुल थोकरले दक्षिण कोरिया लाख दुःख र लाख पैसा, अनुभव र कमाइ स्वदेशमै लगानी गरेर सफल हुन शुभकामना दिए । ‘हामी विदेशमा मात्र होइन नेपालमा पनि केही गर्ने दिन आएको छ । बाबु मोक्तानले आँट गरेर जाँदैछ । यो सबैको लागि उदाहरण पनि हो ।’ उनले थपे ।
नेपाल जानजाति महासंघ दक्षिण कोरियाका कार्यवाहक अध्यक्ष मल्लिका थकाली, जनजाति महासंघका सल्लाहकार चित्र बहादुर मोक्तान, महासंघका महासचिव केशव दर्लामी, तामाङ संघ दक्षिण कोरियाका मेघप्रसाद वाईवा, उपाध्यक्ष राजिव घिसिङ, सचिव अमिर योञ्जन लगाएतले नेपालमा केही गर्ने आँट र कार्यसफलताको शुभकामना दिएका थिए ।
कार्यक्रममा गायक मोक्तानले आफु नेपालमा केही गरौ भन्ने भाबले जान लागेको बताए ।’ यता विदेशमा जति बसियो सिकियो अब आफ्नै देशमा केही गर्छु भन्ने योजना सहित जान लागेको हुँ । ‘
उनी नेपाल तामाङ संघ दक्षिण कोरियाको आठौ कार्यसमितिमा सचिब थिए भने हाल जनजाति महासंघ दक्षिण कोरियाका उपाध्यक्ष छन् । मोक्तानको विधता एल्बमको जोमसोम बजार र दोस्रो एल्वम बेदनाको घाउको मैच्याङ साह्रै मन पर्यो गीतको भिडियो दर्शकहरुले मन पराएका छन् ।