दक्षिण कोरियाको विद्यालयमा कफी निषेध
विद्यार्थीहरुको स्वस्थ्य जीवनशैलीको विकास गर्न भन्दै दक्षिण कोरियाले आफ्नो सबै विद्यालयहरुमा कफी तथा कफी जन्य पेय पदार्थको बिक्री वितरणमा रोक लगाउने भएको छ । कोरियन सरकारको यो अभियानलाई सफल बनाउन विद्यालयका सबै शिक्षकहरुले समेत विद्यालय समयमा कफी पिउन नपाइने कोरियाली संचार माध्यमले जनाएको छ ।
यहि सेप्टेम्बर १४ बाट लागू हुन लागेको यो नियम अनुसार कुनैपनी प्राथमिक तथा माद्यामिक विद्यालयहरुमा कफिको बिक्री गर्न पाइने छैन । खाद्य तथा औषधि सुरक्षा अधिकारीले कोरिया टाइम्सलाई बताए अनुसार बालबालिका तथा कोशोर किशोरीहरुलाई स्वास्थ खान खाने बानीको बिकास गर्ने उदेश्यले विद्यालयहरुमा यसरी कफी बन्द गर्न लागेको हो । “कफी सेवनले बालबालिकामा चिन्ता बढ्ने, निन्द्र नलाग्ने तथा हृदय घात जस्ता समस्यहरु देखा परेको र यसले पढाइमा असर हुने भएकोले कफी बन्द गर्नु परेको हो ।” अधिकारीले भनेको छ ।
दक्षिण कोरियाको विद्यालयहरुमा कडा कफी युक्त तथा उच्च शक्तिवर्धक पेय पदार्थको बिक्री वितरणमा पहिले नै रोक लगाइएको थियो । तर अब साधारण कफी पनि विद्यालयमा निषेध गरिएको हो । साथै स्वास्थ्य मन्त्रालयले पहिले देखी नै बच्चाहरुले प्राय टिभी हेर्ने समयमा यस्तोखालको शक्तिवर्धक पेय पदार्थको विज्ञापनमा समेत रोक लगाउँदै आएको छ ।
अन्तरास्ट्रिय कफी संगठनका अनुसार २०१६ मा कोरियामा प्रतिव्यक्ति २.३ के.जी. कफी खपत भएको थियो । यो अमेरिकामा हुने सरदर खपत भन्दा आधा जति नै कम भएपनी एसियाली देशहरु मध्ये भने याे धेरै खपत भएको मानिन्छ ।
कोरियामा अहिले कफी पसलहरु पनि अत्याधिक मात्रामा बढेको जनाएको छ । सन २०११ मा जम्मा १२ हजार चार सय वाटा कफी पसल रहेकोमा २०१५ मा ४९ हजार ६ सय पुगेको थियो । ४ बर्षमा ४ गुणा भन्दा बढी पसल थपेको देखिन्छ । यसबाट कफीको लोकप्रियता कति बढ्दै गइरहेको छ भन्ने प्रष्ट देखाउछ । तर यसबाट स्वास्थमा के कस्ता असार पारेको छ भन्ने कुराको अध्यन अनुसन्धान गरेर सरकारले आवस्यक कदम चालेको देखिन्छ ।
