शेर्पा संघ दक्षिण कोरियाको तेस्रो महाधिवेशन सम्पन्न, अध्यक्षमा पासाङ शेर्पा चयन
शेर्पा संघ दक्षिण कोरियाद्वारा आयोजित तेस्रो महाधिवेशन राजधानी सोल स्थित नेपाल हाउसमा सम्पन्न भएको छ । शेर्पा संघको तेस्रो महाधिवेशनबाट सोलुखुम्बुका आङ पासाङ्ग शेर्पा अध्यक्षमा निर्वाचित भएका छन् ।
बरिष्ठ उपअध्यक्षमा दोर्जी शेर्पा , महासचिवमा थुतुङ गेल्जे शेर्पा , सचिवमा ओङछु शेर्पा, कोषाअध्यक्षमा लाक्पा शेर्पा, सह-कोष अध्यक्षमा तेम शेर्पा, सदस्यमा सोनाम शेर्पा,र बाँकि सबै जिल्लाका शेर्पाहरु समेटेर समितिमा राख्न पद रिक्त राखिएको अध्यक्ष मण्डल्का संयोजक शेर साङ्बो शेर्पाले जानकारी दिए ।
‘पहिचान र सह अस्तित्वको लागि सम्पूर्ण शेर्पा समुदाय एक हौ । ” तेस्रो महाअधिवेशन सफल पारौ “भन्ने नारा सहित आयोजित महाअधिवेशनका सभापतित्व निवर्तमान अध्यक्ष सेर साङबो शेर्पाले गर्नु भएको थियो । नेपाल आदिवासी जनजाती महासंघ दक्षिण कोरियाकि अध्यक्ष मालिका थकालीको प्रमुख आतिथ्यमा भएको कार्यक्रममा कोरियामा क्रियाशील नेपाली संघ संस्थाका प्रतिनिधिहरुको उपस्थिति रहेको थियो ।
कार्यक्रममा उपश्थित सबै संघ संस्थाको प्रतिनिधिहरुले सुभकामना आदान प्रदान गर्नुको साथै नव गठित कार्य कार्य समितिलाई समेत सफल कार्यकालको अग्रिम बधाई तथा सुभ कामना दिए । संघको प्रगति प्रतिवेदन संस्थाका सचिव थुतुङ गेल्जे शेर्पाले प्रस्तुुत गरेका थिए भने दुइ वर्षे आर्थिक प्रतिवेदन संघको कोषध्यक्ष गुरु निमा शेर्पाले प्रस्तुत गरे । शेर्पा संघ कोरियाले आफ्नो समुदायको हक हितको निम्ति सहयोग गरेका सबै महानुभावहरुलाई सम्मान गरेको छ ।
