“मान वन न्यानो बाडौं अभियान” सुरु, सहयोग गर्न कोरियाबासी नेपालीहरुलाई अपिल
सउल । दक्षिण कोरियामा रहेका नेपालीहरुले बिगत करिब ४ बर्ष देखि चलाउँदै आएको “मान वन न्यानो बाडौं” अभियान यसपालि पनि सुरु भएको छ । विकट र विपन्न बस्तीहरुमा वृद्ध र बालबालिकाहरुलाई जाडोबाट जोगाउने उदेश्यले यहाँ रहेका नेपाललीहरुले हरेक बर्ष उक्त अभियान संचालन गर्दै आएको छ ।
अभियानबाट संकलित रकमबाट नेपालमा अत्यन्तै न्युन आर्थिक अबस्थाका कारण जाडो याम कटाउन एउटा तातो कपडा किन्न पनि निकै नै धौधौ पर्ने अति विपन्न पिछडिएका परिवारको एकल महिला, वृद्धवृद्धा तथा बालबालिकाहरुलाई न्यानो हुने कम्बल तथा ब्लाङ्केट बितरण गर्दै आएको जानकारी अभियान मध्येका एक सरोज केसीले दिएको छ । “विगतकै अभियानलाई निरंतरता दिने उद्देश्यले यसपालि पनि हामीले यो पबित्र अभियान संचालन गरेका छौं त्यसैले दक्षिण कोरियामा रहेका सम्पुर्ण नेपालीहरुलाई यस्तो पुनित अभियानमा सहभागी हुन आव्हान गर्न चाहन्छु ।” यसपालिको अभियानको संयोजन समेत गरिरहेका केसीले भने ।
केसीका अनुसार पहिलाे वर्ष २०७२ मा हेल्प नेपालसंगकाे सहकार्यमा कोरियामा संकलित रकमले दुईवटा जिल्ला सिन्धुपाल्चाेक र सर्लाहिमा न्यानाे बाडेको थियो । दाेस्राे वर्ष २०७३ देखि नेपाली युवाहरु आफैले यो अभियान संचालन गर्दै आएको छ । कोरियाबाट नेपाल गएर अभियान्ताहरु आफै खटेर चारवटा जिल्ला सर्लाही, सप्तरी, धादिङ र सिन्धुपाल्चाेकमा गरि लगभग ५०० परिवारलाई न्यानाे बाँडेका थियो । त्यस्तै तेस्राे बर्ष २०७४ मा स्थानीय सामाजिक संस्थाहरुसंग सहकार्य गरेर ६ वटा जिल्ला दोलखा, नुवाकोट, मोरङ, सुनसरी, चितवन र सिन्धुपाल्चोकमा ६००परिवारलाई न्यानो बाड्न सफल भएका थिए ।
यसपालिको यो अभियान करिब २ हप्ता चल्ने जनाएको छ ।
सहयाेगकाे लागी
बैक:- उरी (woori bank)
माम : Kc saroj (worri bank code 020)
खाता नम्बर : 100-2655-4194-88
सम्पर्क न:०१०६४६५६०४१
