नेपाल तामाङ संघ दक्षिण काेरियाले फेब्रुअरी ४ मा सोनाम ल्होछार मनाउने
नेपाल तामाङ संघ दक्षिण कोरियाले सोनाम ल्होछार साँस्कृतिक तथा सांगीतिक कार्यक्रम फेब्रुअरी ४ तारिखमा मनाउँने भएको छ । तामाङ समुदायको नयाँ बर्ष एवं २८५५ औं सोनाम ल्होछार (सुँगुर बर्ग)को अवसरमा कोरियामा राजधानी सउलमा बृहत साँस्कृतिक तथा सांगीतिक कार्यक्रम गरि मनाउँने भएको हो ।
कोरियनको नयाँ बर्ष सलनालको पहिलो दिन फेब्रुअरी ४ तारिखमा तामाङ संघ सदा झै साँस्कृतिक र सांगीतिक माहोलमा सबै तामाङहरु एकै स्थानमा जम्मा भइ मनोरञ्जनात्मक रुपमा मनाउँने संघका अध्यक्ष मेघप्रसाद तामाङ बताए । उनले भने -`यहाँ नेपाल तामाङ संघले हरेक बर्ष यही सालनालको पहिलो दिन मनाउँदै आएको हो र यसपाली पनि त्यस्तै पहिलो दिनमै मनाउँने हो ।´ आइतबार संघले सउलमा रहेको संघकै `तामाङ धिम´मा `२८५५ औं फाग् ल्हो सोनाम ल्होछार मूल आयोजक समिति´ गठन गर्दै यसपाली बृहत रुपमै मनाउँने संघले निर्णय गरेको छ ।
संस्थाको अध्यक्ष मेघप्रसाद तामाङको संयोजकमा मूल आयोजक समितिको गठन गरिएको छ । मूल आयोजना समितिसंगै विभिन्न सात उपसमिति पनि गठन गरिएका छन् । जसमा संस्थाको सल्लाहकार रबिन तामाङ ,टिकाराम तामाङ र उपाध्यक्ष स्नेहा लामालाई कार्यक्रम हल ब्यबस्थापन उपसमितिमा चयन गरेको छ भने महासचिव गोकुल थोकरको संयोजकत्वमा ल्होछार तथा कार्यक्रम प्रचारप्रसार समिती गठन गरेको छ । त्यस्तै कलाकार ब्यबस्थापन उपसमितिमा संस्थाको वरिष्ठ उपाध्यक्ष रबि लामा, कलाकार युनिक दोङ, राज ब्लोन, भवश्बी बम्जन, अमर थोकर सरोबर र ज्ञान लामालाई चयन गरेको छ । अतिथी ब्यबस्थापनमा संस्थाको उपाध्यक्षहरू सरिता लोप्चन, स्नेहा लामा, बुद्ध लामा, सचिब कमला थोकर, कला ग्लान रहेका छन् । स्वयंसेवक ब्यबस्थापनमा उपाध्यक्ष बुद्ध लामा, सानू लामा, सुरेश थोकर, समीर बम्जनलाई चयन गरेका छन् ।
ल्होछार सांगीतिक कार्यक्रमको लागि नेपालबाट सेलो, म्हेन्दो माया गायक, गायिका काेरिया अाउने छन् । नेपाल तामाङ संघ कोरियामा सन् २००३ मा स्थापना भएको हो । हाल यो नवौं कार्यसमिति हो र नवौं कार्यसमितिको यो पहिलो ल्होछार कार्यक्रम हो । आजको भेला एवं कार्यसमितिको बिशेष बैठकले ओखलढुंगाका समीर बम्जनलाई कार्यसमितिको सदस्यमा चयन गरेको छ ।
