नवगायक कृष्ण पाण्डे क्षेत्रीकाे लाेकगीत रैछाै रुनलाईको भिडियो सार्बजनिक

गुल्मीका नवगायक कृष्ण पाण्डे क्षेत्रीको लोकगीत रैछाै रुनलाई सार्वजनिक भएको छ । दक्षिण कोरियाको बिभिन्न ठाउँमा छायाङ्कन गरिएको गीतमा प्रेम पीडाका भावना सुन्न पाइन्छ ।
बाल्यकाल देखि गीत संगीतमा रुची राख्ने क्षेत्रीले दक्षिण कोरियामा बिभिन्न सांस्कृतिक कार्यक्रममा गीत गाउने गरेका थिए भने दक्षिण कोरियामा संचालित अनलाइन वेभ टिभीमा परदेशीका स्वरहरु नामक लोक सांगितिक कार्यक्रम संचालन गर्थे । उनले आफ्नो गीत धेरै स्रोता दर्शकले मन पराउनेमा विस्वास ब्यक्त गरे । ‘मैले राम्रो गाउने प्रयास गरेको छु । आशा छ सबैले सुनेर मन पराउनु हुन्छ ।’ उनले भने ।
उक्त भिडियोमा बिष्णु पौडेल, हरि अधिकारी र सावित्री पौडेलको अभिनय रहेको छ । गीतको निर्देशन सन्दीप पाण्डे र रिकमान थापा मगरले गरेका हुन् । गीतको छायांकन रिकमान थापामगर र सम्पादन नबिन घर्तीमगरले गरेका छन् । जीवन भण्डारीको लयमा गायक क्षेत्रीकै शब्द रचना रहेको छ । गायिका बन्दना पाण्डेले कृष्णलाई साथ दिएकी छिन् ।