सुर्खेत समाज दक्षिण कोरियाद्वारा ‘गजेन्द्र सर’लाई सम्मान
सुर्खेत समाज दक्षिण कोरियाले गजेन्द्र राना मगर (गजेन्द्र सर) लाई ग्रमीण शिक्षा क्षेत्रको गुणस्तर सुधारमा पुर्याएको योगदानको कदर गर्दै सम्मान गरेको छ । समाजले बिहिबार सुर्खेतमा गजेन्द्रलाई सम्मान गरेको हो ।
तपाई हाम्रो सुख दुस्खको साथी भन्ने नारा सहित सन् २०१३ मा स्थपना भएको सुर्खेत समाज दक्षिण कोरियाले स्थपना कालदेखि नै कोरिया र नेपालको विभिन्न क्षेत्रमा सामाजिक कार्य गरिरहेको छ । सुर्खेत जिल्ला गुर्भाकोट नगरपालिका १४ गुमीको जन संयुक्त प्राथमिक विद्यालयमा विगत ४ बर्षदेखि निशुल्क पढाउँदै आएका मगरले उक्त ठाँउको शिक्षा क्षेत्रको गुणस्तर सुधार र सरकारी विद्यालयको विकास र सम्वर्द्वन गर्नमा पुर्याएको महत्वपूर्ण भूमिकाको उच्चतम मुल्यांकन गर्दै रकम सहित सम्मान गरिएको सुर्खेत समाज दक्षिण कोरियाका अध्यक्ष तुलश कुमार गुरुङले जानकारी दिए ।
कलिलै उमेरमा बुबा आमा दुवै गुमाएपछि अनाथ आश्रम पढेका गजेन्द्र सरले हर्मन माईनर स्कुलबाट एसएलसी हुदै मास्टर डिग्री पढेका छन् । आफ्नो पढाइ सकेसँगै उनी चार बर्ष देखि सुर्खेतको जनसंयुक्त प्राथमिक विद्यालयमा पढाइ रहेका छन् । उनको सम्मानमा दक्षिण कोरियामा संकलन गरिएको एक लाख एघार हजार एक सय एघार रुपैया कोरियाबाट नेपाल फर्केका सुर्खेतबासी युवाहरुको समुह कोरिया युवा गु्रप सुर्खेतको सहसंयोजक गोपाल खड्का र गुर्भाकोट नगरपालिका उपप्रमुख मैना विकले संयुक्त रुपमा सम्मान गरेका थिए । साथै उक्त कार्यक्रममा १५० जना विद्यार्थीलाई शैक्षिक सामग्री पनि प्रदान गरिएको थियो ।
