सउल नेपाल गुम्बामा पूजापाठ र ब्यबस्थापन समितिको दोस्रो अधिबेशन सम्पन्न
सउल नेपाल गुम्बा दक्षिण कोरियाको स्थापना भएकाे दुई बर्ष पुगेको अवसरमा विशेष पूजापाठ र गुम्बा ब्यबस्थापन समितिको दोस्रो अधिबेशन भएको छ ।
राजधानी सउलको गाङ्नाम गुमा रहेको गुम्बामा आइतबार विशेष पूजासंगै गुम्बा ब्यबस्थापन समितिको दोस्रो अधिबेशनबाट काभ्रेका दुधबहादुर लामा अध्यक्षमा चयन भएका हुन् । गुम्बाका लामा प्रमुख लामा कुन्साङ तामाङको संयोजकमा पूजापाठ र अधिबेशनको प्रमुख अतिथि कोरियाको लागि नेपाली राजदुत अर्जुङजंग बहादुर सिंह उपस्थितिमा सम्पन्न भयो ।
गुम्बा ब्यबस्थापनको उपाध्यक्षमा जेबी लामा, सचिबमा अमिर योञ्जन चयन भएका छन् । कोषाध्यक्षमा ह्योल्मो परिवारबाट रहने छन् भने अन्य सदस्यहरु दक्षिण कोरियामा रहेका बिभिन्न जातिय संस्थाको प्रतिनिधि रहनेछन् । यो कार्यसमिति दुई बर्षको समयावधिको लागि चयन भएको हो ।
कार्यक्रममा गुम्बालाई सहयोग गर्ने बिधिन्न संघ संस्था र ब्यक्तिहरुलाई सम्मान गरेको थियो ।
