पहिलो पटक दक्षिण कोरियामा नेपाल आइडलको टोली आउने : कार्यक्रम फेब्रुअरी ५ मा

टिभी र युट्युवमा मात्रै हेर्नु भएको नेपाल आइडलका गायिक गायिकासँगै नाँच्न र झुम्न चाहनु हुन्छ भने तँपाईले धेरै दिन पर्खनु पर्ने छैन । सलनालको लामो बिदामा नुवाकोट समाज दक्षिण कोरियाले फेब्रुअरी ५ तारिखमा नेपाल आइडल सिजन २ का कलाकारहरु सहितको कन्सर्ट गर्न लागको हो । तीन नंम्बर प्रदेश एकता समाजको समन्वयमा GME नुवाकोट सांगीतिक सौगात हुने भएको छ । सउलमा आइतबार भएको पत्रकार सम्मेलन कन्सर्टको बरेमा जानकारी दिइएको हो ।
नुवाकोट जिल्लाको बिकट क्षेत्रको शिक्षा र स्वास्थ्यमा सहोयोगार्थ कार्यक्रम गर्न लागिएको संस्थाका अध्यक्ष सन्तोष राईले बताए । ‘हामी जिल्लाको बिकट क्षेत्रमा सकेको सहयोग गर्न चाहन्छौ । त्यसैले यो कन्सर्ट गर्दैछौ । यसमा दक्षिण कोरिया भरि रहनु भएका सबै नेपालीलाई सलनालको बिदामा रमाइलो गर्न आउन आग्रह गर्छु ।’ उनले भने । ‘दक्षिण कोरियामा पहिलो पटक नेपाल आइडलका कलाकार आउँदैछन् । त्यसैले पनि धेरै साथीहरु उत्साहित हुनु हुन्छ । हामी पनि त्यस्तै उत्साहित छौ ।’ उनले थपे ।
नुवाकोट समाज दक्षिण कोरिया २०१४ मा स्थापना भए पनि बिभिन्न सामाजिक कार्य गर्दै आएको संस्था हो । ‘हामीले ठूला कार्यक्रम नगरे पनि दोङदेमुनमा सेल्टर चलाएका थियौ । नेपालमा पनि बिभिन्न सामाजिक कार्यहरु गर्दै आएका छौ ।’ निर्वतमान अध्यक्ष तथा संस्थाको सल्लाहकार सोम बाइवाले भने । ‘हामी यो आइडलको कन्सर्टबाट धेरै राम्रो काम गर्ने सोचमा छौ । त्यसैले राम्रो कार्य गर्नेलाई सबैको सहयोग हुन्छ भन्नेमा ढुक्क छौ ।’ उनले थपे ।
नेपालबाट नेपाल आइडलका बिजेता रबि ओड, फास्ट रनरअप बिक्रम बराल, सेकेन्ड रनरअप सुमित पाठक, थर्ड रनरअप अस्मिता अधिकारीसंगै नेपाल आइडल सिजन २ का टप ६ का प्रतिस्पर्धी पवन गिरी, चर्चित डान्सर रश्मी तामाङ र हास्य कलाकार तथा लोकदोहोरी गायक पुरुषोत्तम भण्डारी फूर्के बा र मोडल उरुशा जोशीको प्रस्तुति रहने छ ।

कार्यक्रममा नेपाल पत्रकार महासंघ दक्षिण कोरियाका अध्यक्ष रञ्जनराज कुँवर, प्रदेश नं.३ एकता समाजका अध्यक्ष किशोर ब्लोन, गैरआबासीय नेपाली संघ दक्षिण कोरियाका बरिष्ठ उपाध्यक्ष बिपिन गुरुङ लगाएतका दक्षिण कोरियामा रहेका संघसंस्थाले कार्यक्रम सफलताको शुभकामना दिएका थिए ।