सनातन साहित्य सङ्गीत साधना समूह पाँच- ‘स’काे अधिवेशन जनवरी २७ मा हुने
सनातन साहित्य सङ्गीत साधना समूह पाँच- ‘स’काे तेस्राे अधिवेशन जनवरी २७ मा हुने भएकाे छ । सउलकाे नेपाल हाउसमा हुने कार्यक्रममा दक्षिण काेरियामा रहेका सबै नेपालीलाइ उपस्थित भैदिन अायाेजकले अाग्रह गरेकाे छ ।
दक्षिण काेरियामा नेपालीहरूको संख्यात्मक वृद्धिसँगै विभिन्न सामाजिक सेवाभाव र साझा उद्देश्यहरूका साथ आ-आफ्ना क्षेत्र, जाति, पेशा तथा राजनीतिक पार्टीगत रहेर धेरै संघसंस्थाहरू भए पनि विशुद्द आध्यात्मिक संस्थाकाे रूपमा आफ्नो छुट्टै परिचय बनाएको सबैको साझा संस्था हाे पाँच स । समूहको स्थापनाकालदेखि नै नेपालको सम्पूर्ण मौलिक संस्कार-संस्कृति, साहित्य, सङ्गीत, योग-साधना र सु-संगठित राष्ट्रिय एकता इत्यादिको संरक्षण, संवर्द्दन तथा पुस्तान्तरण हेतु पाँच-‘स’ को पृथक आवधारणा र विधानानुसार विभिन्न साँस्कृतिक तथा धार्मिक कार्यक्रमहरू सभ्य र भव्यताकासाथ आयोजना गरिँदै आइरहेको सर्व विदितै छ।
पाँच-‘स’ ले आफ्नो अवधारणा र विधान अनुरूप हरेक वर्ष अधिवेशन गर्दै नयाँ कार्यसमिति गठन गर्ने गर्दछ। यही नियममा बाँधिएर फेरि यस पटक पनि आफ्नो चौँथो कार्यसमिति गठन गर्नका निमित्त पाँच-‘स’, द. कोरियाले यही जनवरी २७ तारीख आइतबारका दिन सउलस्थित NRNA नेपाल हाउसमा आफ्नो तेश्रो अधिवेशन तथा वार्षिक साधारण सभा गर्ने भएको छ। “साहित्य र सङ्गीतको माध्यमद्वारा विश्वमा आध्यात्मिक जागरण गराउने प्रयास।” भन्ने नारालाई आत्मासात् गर्दै पाँच-‘स’ ले नेपालको सम्पूर्ण वर्ग, क्षेत्र, धर्म, लिङ्ग तथा विचारहरूलाई एकै साझा घरमा समेटिएर वैश्विक-सहिष्णु समाज निर्माण तथा राष्ट्रिय एकतामा विशेष भूमिका निर्वाह गर्ने लक्ष्य लिएको छ। तसर्थ हाल दक्षिण कोरियामा रहनुहुने सम्पूर्ण कर्मनिष्ठ, धर्मनिष्ठ एवम् देशभक्त नेपालीमनहरूलाई पाँच-‘स’ को यस गौरवमय अधिवेशन कार्यक्रममा सहभागी भई आफ्नो अमूल्य सल्लाह-सुझाव तथा प्रत्यक्ष-परोक्ष रूपमा सहयोग गरिदिनुहुन समेत अायाेजकले अाग्रह गरेकाे छ ।
