सउल नेपाल गुम्वा दक्षिण कोरियाले ग्याल्पो ल्होसार मनाउने
दक्षिण कोरिया । सउल नेपाल गुम्वा दक्षिण कोरियाले गत वर्ष झै यसपाली पनि ग्याल्पो ल्होसार मनाउने भएको छ । फेबुअरी १० मा विविध पूजापाठ र सांस्कृतिक कार्यक्रम गरेर ल्होसार मनाउन लागेको गुम्वाका लामा प्रमुख कुन्साङ दोर्जे लामाले जानकारी दिए ।
कोरियनहरु पनि उल्लेख्य सहभागी हुने र उनिहरुले मनाउने तरिका अनुसार पनि ल्होसारको कार्यक्रम हुने जानकारी दिदै सउल नेपाल गुम्वा व्यवस्थापन समितिका अध्यक्ष दुध बहादुर लामाले भने “यसबाट नेपाली र कोरियन संस्कृतिको आदान प्रदान हुने छ । त्यसैले यस्तो महत्त्वपूर्ण कार्यक्रममा सहभागी हुन सबैलाई अनुरोध गर्न चाहन्छु ।”
कार्यक्रमको तयारी सबै पूरा भएकोले कोरियावासी नेपालीहरु व्यवसायी, खेलाडी, बिद्यार्थी, राजनीतिज्ञ, पत्रकार सबैलाई उपस्थित हुन सउल नेपाल गुम्वा व्यवस्थापन समितिका सचिब अमिर योञ्जनले आह्वान गरेको छ । साथै “कार्यक्रम GU RYUNG SA TEMPLE मा दिउँसो १ बजे हुने छ ।” उनले थपे ।
