प्रबासी नेपाली एकता मन्च कोरिया द्वारा शोक बक्तब्य जारी , साथै यहि फाल्गुन १५ मा श्रद्धाञ्जली सभा गरिने
ताप्लेजुङको फुङलिङ, १० सिस्नेभिरमा एअर डाइनेस्टीको हेलिकप्टर दुर्घटनामा परी निधन भएका नेकपाका केन्द्रिय सदस्य तथा पर्यटन मन्त्री रबिन्द्र अधिकारी सहित अन्य ६ जना विशिष्ट नागरिकहरुको निधन प्रती नेकपाको प्रबास संगठन प्रबासी नेपाली एकता मन्च (ONUF) द.कोरियाले गहिरो शोक बक्तब्य जारी गरेको छ ।
मन्चका प्रस्तावित संयोजक पर्शुराम सापकोटा र सचिब दिलिप धिताल द्वारा संयुक्त रुपमा हस्ताक्षर गरिएको उक्त शोक बक्तब्यमा मुलुकले एक कुशल, सङ्घर्शशिल र बिकाशप्रेमी युबा नेता गुमाएको जनाइएको छ ।मन्त्री अधिकारी सहित पर्यटन उद्दमी ,राष्ट्र सेबक कर्मचारी,चालक र अन्य विशिष्ट ब्यक्तित्व हरुको निधनले देशलाइ अपुरणिय क्षति पुगेको मंचका सम्योजक सापकोटाले बताए ।
हेलिकप्टर दुर्घटनाको अपुष्ट खबर मिडियामा छाउने बित्तिकै कोरियामा रहेका अधिकाम्श नेपालीहरुले आ-आफ्नो सामाजिक सन्जालमा मन्त्री अधिकारी सहित सवार सबै जनाको कुशलताको कामना गरेका देखिन्थे ।यद्यपि दुर्घटना भएको पुष्टि पश्चात् पुनः सामाजिक सन्जालहरु शोकाकुल बनेका थिए ।
मन्त्री अधिकारीको निधनले देश बिदेशमा रहेका सम्पुर्ण नेपाली युबाहरु स्तब्ध बन्दै सामाजिक सन्जालमा शोक ब्यक्त गरेको देख्दा नेपाल आमाले एउटा सच्चा देशभक्त नागरिक गुमाएको मन्चका सचिब दिलिप धितालले बताए । साथै प्रबासी नेपाली एकता मन्च कोरियाले यहि मार्च ३ तारिक आइतबारका दिन सौल मा मृत आत्माहरुको चिर शान्तिको कामना गर्दै श्रद्धाञ्जली सभाको आयोजना समेत गरेको छ ।कोरियामा रहनु दाजु भाइ दिदी बहिनिहरुलाइ सम्भब भएसम्म उपस्तिथ भएर श्रद्धा अर्पण गर्न एकता मन्चले अनुरोध समेत गरेको छ ।
