मे २६ मा नेपाली चलचित्र ए मेरो हजुर ३ काेरियामा प्रदर्शन हुने
इलामेली समाज दक्षिण कोरियाले इलाममा रहेकाे राहसल बाल अनाथालयको आवास भवन निर्माण सहयोगार्थ मे २६ आईतबारका दिन सउल दाेङदेमुनकाे 종로구민회관 हलमा नेपाली चलचित्र ए मेरो हजुर ३ प्रदर्शन गर्ने भएको छ ।
चैत २९ गते काठमाडौं उपत्यकाका लगायत नेपाल भरिका विभिन्न हलहरुमा रिलिज हुने नेपाली कथानक चलचित्र “ए मेरो हजुर ३” मे महिनाको तेस्रो हप्ताबाट कोरियाको राजधानी सिओल सगै कोरियाका बिभिन्न ठुला सहरका हलहरूमा उक्त चलचित्रको प्रदर्शन हुने भएको पक्का भएको छ । चलचित्रको प्रदर्शनबाट संकलन भएको सम्पूर्ण नाफा रकमलाई अनाथालयको आवास भवन निर्माण सहयोगार्थ प्रदान गरिने छ । विगतमा पनि संस्थाले बिभिन्न अभियान मार्फत सहयोग जुटाई सहयोग गर्दै आएको छ । रचनात्मक कार्यक्रम मार्फत श्रोत जुटाई सामाजिक कार्यलाई अझ ससक्त बनाउदै अघि बढ्ने संस्थागत योजना रहेको समेत संस्थाका सचिव केदार निरौलाले जानकारी गराए ।
सुनिल कुमार थापाको निर्माण तथा नायिका / निर्देशक झरना थापाको निर्देशन रहेको साथै विगत केही वर्ष देखी कोरियालाई कर्मथलो बनाउदै आइरहनु भएका युवा रोज सेरेङ्गको सह-निर्माता रहेको उक्त चलचित्रमा नायक अनमोल केसी र नायिका सुहाना थापा मुख्य भूमिकामा रहेका छन् ।
