कोरियामा दोस्रो बुद्ध जयन्ती फुटसल प्रतियोगिता आयोजना हुने

स्थापना भएको छोटो समयमै आफ्नो छुट्टै पहिचान बनाउन सफल संस्था तामाङ समाज ख्यङ्साङ्नाम्दो/बुसान दक्षिण कोरियाले नेपाली नयाँ बर्ष २०७६ साल तथा बुद्ध जयन्तीको अवसरमा २०१९ अप्रिल २८ तारिखमा दोस्रो बुद्ध जयन्ती फुटसल प्रतियोगिता आयोजना गर्ने भएको छ। प्रतियोगिता गत वर्ष प्रथम बुद्ध जयन्ती फुटसल प्रतियोगिता भएको ठाउँ 웅상체육공원 मा हुनेछ।
부처님은 네팔에서 태어났습니다 (Buddha was Born in Nepal) भन्ने मुल नाराका साथ नयाँ वर्षको शुभकामना आदानप्रदान गर्नको लागि प्रतियोगिता आयोजना गर्न लागेको हो। बुद्ध धर्मप्रती सबैको आस्था रहिरहोस्, बुद्ध धर्मलाई जगेर्ना गरौं र गौतम बुद्ध नेपालमै जन्मेको हो भन्ने सन्देश सबै समक्ष पुगोस् भन्ने प्रतियोगिताको उदेश्य रहेको छ। विदेशी भुमिलाई कर्मा थलो बनाई व्यस्तताको वाबजुद पनि फुटबल खेल प्रती रुचि तथा पेशा बनाउने खेलाडीहरुलाई प्रतियोगिताले उत्साही तथा खेल प्रति थप विकास गर्नेछ र नेपाली दाजुभाइहरु बिचको आपसी सुमधुर सम्बन्ध तथा भाईचारा बढाउन प्रतियोगिताले ठूलो भुमिका खेल्ने संस्थाका अध्यक्ष विश्वास ब्लोनले बताए ।
प्रतियोगितामा प्रथम हुने टिमलाई २० लाख वन र दोश्रो हुने टिमलाई १० लाख वन नगद पुरस्कर सहित ट्रफी मेडल र प्रमाणपत्र प्रदान गरिने छ। टिम दर्ता शुल्क भने २ लाख ५० हजार वन लाग्ने छ । गत वर्ष झै प्रतियोगिता मर्यादित, निस्पक्ष र फुटसलको अन्तर्राष्ट्रिय नियम अनुसार खेलाइने फुटसल प्रतियोगिताका संयोजक तथा संस्थाका उपाध्यक्ष धनराज तामाङले जानकारी दिए । साथै दोस्रो बुद्ध जयन्ती फुटसल प्रतियोगितालाई सफल बनाइदिनको लागि कोरियामा रहेको सम्पुर्ण संघ संस्थाहरु, फुटबल क्लबहरु तथा सम्पुर्ण खेलप्रेमी खेलाडीलाई हार्दिक अनुरोध गरेको छ।
गत वर्षको प्रथम बुद्ध जयन्ती फुटसल प्रतियोगितामा विजेता ह्याङ ओभर एफ.सी. भएको थियो भने उपविजेता हिमालयन एफ.सी. रहेको थियो।