सोजु गफ: दाइ भनेको दाइ हो …..

सोजु गफ: भाग १

दाइ भनेको दाइ हो ……….पल्लो कुनाको टेवलबाट अलि चर्कै आवाज आयो ।
शनिबारको एक साझ, नेपाली रेष्टुरेण्टको कुना काप्चातिर नेपालीहरुले आफ्नै संसार तयार पारी सकेका थिए । जाहा जाहा नेपाली त्याहा त्याहा नेपाली रेष्टुरेण्ट भन्ने चाही नेपाली समुदायको प्रमुख ब्यवसायिक नारा हो जस्तो लाग्छ । जती पनि नेपाली जुन देशमा गएर पनि ब्यवसाय गरेको समाचार सुन्दा लाग्छ अपवाद छोडेर सबैले गर्ने चाही रेष्टुरेण्ट नै रहेछ । जसका भित्री अनेक पाटाहरु होलान् आज त्यता तिर नजाउ । म कोरियाको कुरा गर्दै छु । हुन पनि अहिले दश बीस जना नेपाली जम्मा हुने ठाउमा नेपाली रेष्टुरेण्ट नभएको सायद कोरियाको कुनै शहर छैन होला । त्यही कुनै शहरकोे कुनै रेष्टुरेण्टको कुनामा हामी पनि जमाएर बसी सकेका थियौ । रातको १० बज्न लागी सकेको थियो । नेपालीलाई रातको दश वजे त दिउसै हो जस्तो लाग्ने , त्यो पनि किम्हेमा । किम्हे कोरियाको यस्तो शहर हो कि त्यसमा पनि सिजाङ (बजार) वरिपरी घुम्दा बाग बजार तिरै छु जस्तो लाग्छ । अलि अलि कोरियन धेरै बिदेशी देख्दा यस्तो पनि लाग्ने कि कति धेरै कोरियन चाही याता घुम्न आएका । फेरी रेष्टुरेण्ट तिरै जाऊ । कोही कोही भख्खर भित्र छिर्दै छन । सबैको फरक फरक जिबन शैली फरक फरक भाव भंगी खानपान तर कुरा गर्दै जादा अन्तिममा राजनिती । राजनितीले देश बिग्र्याे भन्ने कुरामा चाही सबको एक मत तर देशलाई बिकासको दिशामा निर्देशित गर्ने पनि राजनितीले नै हो भन्ने चाही हेक्का नराख्ने जमात झनै ठुलो । झन त्यतो हुलमा राजनितीको बिकल्प पनि राजनिती नै हो भनिदियो भने बादबिबाद नपर्ने संभावन कमै रहने ।
फेरी त्यही कुनाको सोजु गफमा कान ठोकियो । सोजु गफ (सोजु मतलब कोरियन रक्सी) समुन्द्रको किनारमा छाल सगै आउने फोका जस्तै ,जसको शुरु र अन्तिमको कुनै पत्तै नहुने । आज त्यतै गफ लेख्दै छु ।
हो के हो अब चुप लाग त ………..
दाइ भनेको दाइ नै हो हामीले कहा भाइ भनेको छ त ?
हा हा हा …………. । ( हासोको फोहोरा छुट्यो )
फेरी दाईले उडाउनु भो …………..।
ल यसलाइ पनि लागेछ , ठाउको ठाउ मान्छे उडाउन सक्ने भएको भए १४ घण्टा कोरियामा घण्टाको फलाम घोटेर बस्थे ? सिधै सस्तो वायुसेवा नै सुरु गर्थे नि ।
एअरवस र बोइङ सब फेल खान्थे । कोरियाका गोर्खेहरु सरर दाइको वायुसेवामा । तलाइ चाही टिकट काट्ने दलाल बनाई दिन्थे , फिक्स ल ।
हा हा हा……………….. । ( फेरी हासोको फोहोरा छुट्यो )
ह्या हास्दा हात चलाउनु त पर्दैन नि ! सब पोखी दियो । कपडा भरी लाग्यो ………. ।
…….. बहिनी यो टेवल एक पटक सफा गरिदिनु त ।
होइन के सिबी दाई तपाई त झन् बुझ्ने मान्छे भन्यो सिरियस कुरा गर्दा पनि उडाइदिनु हुन्छ के । मैले दाइको किन सर्पोट गरेको भने नि सिबी दाई । सबै ग्रुपको केटाहरु दाइको सर्पाेटर हो के दाइ म पनि त्यही ग्रुपमा छु , त्यही भएर हो के तपाई त बुझ्नुस् । त्यस्तो राम्रो राम्रो काम गरेको छ यिनिहरुलाई केही था छैन के , जे भने पनि बिल्ला गर्छन ।
उ लर्रबराउदै बोल्दै थियो ।
फेरी कसले के भन्यो त्यो चाही बुझिएन ।
हा हा हा भस्मे ……………..
हा हा हा भस्मे …………..
सहि भनेको हो यार तैले , यसले चाही दाईको बखानमा समय खेर फाल्नु भन्दा अभिनय तिर लागे हुन्छ ल । भख्खर ठाउको ठाउ भष्मेको अवतार देखाइदियो । भस्मे अर्थात कुनै नेपाली फिलिमको एउटा पात्र ।
तिमीहरु जे भनेनी भन केटाहरु हो । आफु चाही राम्रो काम गर्ने मान्छेको समर्थन सधै गरिन्छ । बरु एक्लै हिडिन्छ , एक्लै गरिन्छ …………….. ।
सहि हो ………. अर्कोले थप्यो ।
……… एक्लै पनि गर्ने कुरा धेरै छन । कहा सबै कुरा फुटबल खेले जस्तो समुहमा गरिन्छ त …………।
हा हा हा …………………..
हास्दा हात चाही नचला न के ……… । फेरी , झण्डै पोखिदिएको ….।
ठिक हो ठिक हो राम्रो काम गर्नेको समर्थन गर्नु पर्छ । राम्रो नराम्रो चाही के गरि छुट्टाउने नि , पवन कुमार ? । कि तलाई मात्र तेरो दाइले सुटुक्क राम्रो पनि राम्रो , नराम्रो पनि राम्रो देख्ने मेशिन आखामा फिट गरिदिएका छन् ?
अर्काले प्रती प्रश्न तेर्साइ हाल्यो ।
हा हा हा ……………………. पवन कुमार ………………….. हाहाहा
क्या सहि नाम दिनुभयो दाई , पवन कुमार , पवन कुमार ………

तिमीहरुले चाहि छ नि हस्पिटल अगाडी बच्चाको नाम राख्ने पसल खोल बबाल चल्छ ।
सब मिलेर मलाइ आज कुन जुनिको बदला लि रहेका छौ ? ……… ।
सुन त केटा हो , यसले आज धेरै चित्त दुखायो यार । म यसको स्तुती गाइदिन्छु ।
जय हनुमान ज्ञान गुन सागर ।
जय कपिस तिहुं लोक उजागर।।
रामदुत अतुलित बल धामा ।
अंजनि पुत्र पवनसुत नामा ।।
ह्या तैले गाएको भएन । यस्तो स्तुती गाएर का हनुमान जि खुशी हुन्छन यार ।
बरु म बजाई दिन्छु ?
कसको आवाजको बजाऊ , शंकर महादेवनको कि सृजय को ?

ह्या सब मिलेर कती ल्याङ ल्याङ गरेको भनेको एउटै माथी ? मेरो भाई पिर नगर , म छु तेरो साथामा खुलेर भन्छु , बरु यो गिलासको पनि अलि घटा न । स्टामिना बडाउनु पर्छ के मेरो भाई अनि हेप्दैनन , अझै हेपे भने तेरो दाई सगै छ के ।
देख्यौ केटा हो । देख्दा देख्दै यसले पनि गुट चेन्ज गर्यौ ।
गुट मात्र हो र ओरिजिनल भष्मे नै पो देखेत । अर्को ले थप्यो
साच्ची ,अब गुटको नाम चाही के राख्छौ त केटा हो ?
“ भस्मे पवन कुमार गुट ।” एउटाले नाम जुराई हाल्यो
“ भस्मे पवनकुमार एउटैको नाम हो नि सम्मानजनक नाम भएन भन्ने बिबाद हुन्छ के भोली फेरी ? ”
“ अहिले ठाउको ठाउ यहि टेवलमा उपहार पाएको नाम न हो दुइटै , भस्मे नाम यसलाई अनुदान दिन्छ नि । याहा पार्टीको अध्यक्ष त बाडेर चलाउने जमानामा । बाटामा भेटेको नाममा के बिबाद गर्नु छ र होइन ? भस्मे पवन कुमार । ” अर्कोले थपि दिन्छ ।
“ होइन हो केटाहरु एउटा काम गर्न लागेपछी त्यसमै फोकस हुनु पर्छ क्या । खान आएको टन्न खाउ अनि जाउ । ”
“ दाईकोे कुरा सुन्दा एउट गीत याद आयो , गाउ ? ”
अब त जाउ क्यारे घर भाले बास्यो उज्यालो भई सक्यो ।
बहिनी , दुईवटा सोजु अनि एउटा पापड साधेको । ल हेर न भष्मेले मगाएको सितन पनि , पापड साधेको रे , त्यो भनेको कस्तो हुन्छ था छ ? पापड त थाहा थियो यो पापड साधेको चाही कस्तो हुने रहेछ । नया आइटम देखे पछी टेष्ट गरौ गरौ भयो के ।
नया आइटम त यसले देख्नै हुन्न नि ।
हो त्यो त ।
अहिले उसलार्ई झनै मन पर्ने नया आइटम त क्याम्बोडियन हो नि ।
के गर्नु यो रेष्टुरेण्टमा छैन ।
हो र ?
फिले आइटम मन पर्छ भन्दै थियो त अस्ती सम्म त ।
यो भष्मेको कुरा छोडौ , आज पापड साधेको मन परेको जस्तै हो के दाई ।
हा हा हा ………………
सधै दाल भात मात्र के खानु ? कहिले काही पापड साधेको पनि खानु पर्छ , होइन भस्मे ?
बल्ल पवन कुमार पनि सोजु गफ तिर प्रवेश गर्यो । हा हा हा …………..।
यो उपलक्ष्यमा के गर्ने दोसल्ला ओडाएर सम्मान गर्ने ?
बहिनी दुइ वटा दोसल्………………….ला
बहिनी अक्कमक्किन्छिन ।
होइन होइन दुइटा सोजु ,
हो गुट मिले पछी कुरा पनि मिल्दो रहेछ ।
होइन त पवन कुमार ?
मैले दाइको समर्थन छोडेको भनेर यसलाई नबुझ केटा हो । यो झन् समर्थक बिस्तारको निरन्तरता हो ।
खाली दाइ दाइ कति दाइ दाइ भन्छस् यस्तै भनि रहिस भने त घरकिले पनि छोडेर जाली । नया आवाज सुनियो ।
घरकीले छोडी भने अर्की ल्याउन पाइन्छ भनेर खुशी भएको होला हिही हि ही, अर्कोले थप्यो ।
यो बिषयमा यसलाइ धेरै भर्याङ नलगाउ त केटाहरु हो । त्यसै त बुढीसग राम्ररी कहिल्यै बोल्या देखिदैन ।
के हो बुढीसग संचार गर्न सहयोगी राखेको त छैन नि आज सम्म ,
दाइको शिष्य न पर्यो ।
छैन छैन त्यती सम्म चाही छैन । एउटै कोठा भएकोले त्यती चाही था छ ।
अब यस्तै हो भने चाही राख्नु पर्ने पनि हुन सक्छ । यो फेसबुक र दाइ बाहेक केही देख्दैन । यसो बिदा पाउदा पनि कोरिया भित्रकै फिलिपिन्स र भेयतनाम भ्रमण गर्दामा फुर्सद होइन । बिहे गरेको पनि ७ बर्ष भइ सक्यो । अरुको बाल बच्चा खेल्दा बिचारा बुहारीलाई पनि रहर थियो होला ।
रहर भएर मात्र भएन , सब दाईले गर्छन भने जस्तो गर्छ यो ।
अरुले गरेकोमा वा वा दिएर मात्र पनि हुन्न के कति काम त आफैले गर्नु पर्छ ।
हा हा हा …………
हेर केटाहरु हो तिमीहरुले मलाई भने जस्तो दाइकै अपमान गरेको हो । यती कुरा चाही थाहा पाउ , तिमीहरु त दाइलाई छुन त परै जा नजिक पुग्न नि सक्दैनौ ।
आपपपपपप……….
यसको दाई त एलिएन नै हो कि क्या हो ? साच्ची मंगल ग्रहबाट आएको की चन्द्रमाबाट रे ?
आबुई …….. अनि नि यो चाही कसरी नजिक पुग्यो त ? त्याहा जान त रकेट चडेर जानु पर्छ होईन ?
फेसबुकमा फोटो टासेको देख्छु त ।
ल , एलन मस्कले यनिहरुको टोलीलाइ दाई सग भेटघाट गराउन अन्तरिक्षमा यात्रा गराएको भस्मेलाई त थाहै रहेनछ ।
भस्मेको आधा जिवन खेरै गएछ ? हाहाहा ……………
ल भो अब यो च्याप्टर बन्द । यती बेला सम्म तिमीहरुको रमाइलो गफ चुपचाप सुने मज्जा आयो ।
दिमागलाई ठण्डा बनएर एउटा कुरा सुन भाईहरु , म तिमीहरु सबैको दाई नै हो । जे कुराको पनि अती भत्त हुनु भनेको समाप्त हुनु हो । आगोमा भात पकाउन मात्र खोज्नु पर्छ भाइहरु किस खान होइन ।………………..
साउजी दुइ बोतल सोजु ंं…………….. सुकुटी पिरो पारेर । अनि बिल पनि ।
केटाहरु अन्तिम सर्ट एकै पटक घ्याम्पे ।

हाम्रो पनि उठ्ने बेला भई सकेको थियो । बाहिर निस्केर ट्याक्सि चडे पछि धेरै बेर सोचिरहे । साच्चि यत्रो समय कान थापी थापी सुनेको दाइ चाही हो को ? आफैलाई हाँसो उठेर पनि आयो र मनमा प्रश्न पनि उठ्यो । आधा कुरा सुन्नु केहि नसुन्नु भन्दा पनि घातक हो भन्थे आज त्यस्तै त भएन ?

क्रमस …………………….