दाेलखाली समाजकाे बार्षिक साधरण सभा सम्पन्न, छुसकमा साँस्कृतिक कार्यक्रम गर्ने
दोलखाली समाज दक्षिण काेरियाले आइतबार बार्षिक साधारणसभा सम्पन्न गरेकाे छ ।
सउलकाे दोङदेमुनमा समाजका अध्यक्ष सरोज केसीको अध्यक्षतामा भएको कार्यक्रममा संस्थाले विगतमा गरेका विभिन्न कार्य र प्राप्त गरेकाे प्रगतिका बारेमा छलफल भएको थियो ।
कार्यक्रममा समाजका कोषाध्यक्ष सुमन न्यौपानेले आर्थिक विवरण प्रस्तुत गरेका थिए । विवरणमा समाजले अहिलेसम्म विभिन्न कार्यक्रम, सामाजिक सेवा, जिल्लाका विभिन्न ठाउँमा गरेका सहयोग र सहयोग संकलन कार्यमा भएको आर्थिक २ करोड ९८ लाख ९६ हजार २ सय ५४ वनको कारोबर गरेका देखाएको छ । समाजका संरक्षक लालकाजी बस्नेत, उपाध्यक्ष अमृत दाहाल लगायत उपस्थितिहरुले अबको दिन र विगतको गतिविधि बारे गम्भिरता हुनु पर्ने बताएका छन् । महासचिव डिल्ली न्याैपानेले समाजकाे विविध पक्षमा अाफ्नाे धारणा राखेका थिए ।
दाेलखाली समाज दक्षिण काेरियाले कोरियन चाड छुसक बिदामा बृहत साँगीतिक कार्यक्रम गर्ने भएकाे छ । साे साँगीतिक कार्यक्रमबाट उठेकाे रकम जिल्लाको शैक्षिक एवं विविध क्षेत्रमा खर्चिने निर्णय भएकाे छ ।
