बृहत सांगीतिक कार्यक्रमको सम्पूर्ण तयारी पूरा
पूर्वाञ्चल सरोकार समाज दक्षिण कोरियाले आयोजना गर्न लागेको बृहत सांगीतिक कार्यक्रमको तयारी पूरा भएको छ । समाजले अप्रिल २१ अाइतबार द भ्वाइस अफ नेपालका विजेता सिडि विजय अधिकारी, गायिका श्रेयसी चेम्जोङ र डट डान्सर अनिशा न्यौपानेको साथमा नयाँ वर्ष मनाउन लागेको हो।
बृहत सांगीतिक कार्यक्रमको आयोजना गर्ने भनिएको पहिलेको हल कारणबस उपलब्ध हुन नसकेकोले उक्त कार्यक्रम सउल छोङ्गाक स्थित जोगेसा गुम्बाको हलमा गर्न लागिएको संयोजक बिनोद बुढाथोकीले दिएका छन्। कार्यक्रम हल जान १ नं. ट्रेन लाईनको छोङ्गाक स्टेशनकाे २ नं. गेटबाट सिधै अगाडि ३ मिनेट हिडेर पुगिनेछ।
पहिलो पटक कलाकार सहित बृहत रुपमा मनाउन लागिएको नेपाली नयाँ वर्षमा नेपालबाट आमन्त्रित कलाकारहरूको बेजोड प्रस्तुति साथै कोरियामा रहेका नेपाली कलाकारहरूको पनि साथ रहनेछ। कार्यक्रम सफल बनाउनका लागि कोरियामा रहेका सम्पूर्ण नेपाली बुद्धिजीवी, व्यापारी व्यवसायी, संचारकर्मी, खेलाडी, विद्यार्थी, साहित्यकार एवम विभिन्न पेसामा आबद्ध नेपाली जनहरुमा आयोजकले अनुरोध गरेको छ।
