किम्हेमा चलचित्र “ए मेरो हजुर ३” प्रदर्शन हुने

तामाङ समाज ख्यङ्साङ्नाम्दो/बुसानले जुन ९ आइतबार कोरियाको किम्हे शहरकाे मुन्हावन हलमा नेपाली कथानक चलचित्र “ए मेरो हजुर ३” प्रदर्शन गर्ने भएको छ ।
“आफु बाचौ र अरुलाई पनि बचाऊँ” भन्ने उदेश्यले रोशी गाऊपालिका वडा नं ३ काभ्रेकी ५४ बर्षिया मिना तामाङलाइ सहयाेग गर्ने लक्ष्य सहित कार्यक्रम लागिएकाे हाे । मिनाकाे दुबै मृगौलाले फेल भएकाे र घरको आर्थिक अवस्था ज्यादै नाजुक रहेकोले बिरामी मिना तामाङको जीवनरक्षा सहयोगार्थ चलचित्र देखाउन लागिएकाे हाे ।
किम्हे बुसान आसपास रहेका नेपाली दाजुभाइ तथा दिदी बहिनिहरुलाई मनोरञ्जन दिने उदेश्यले प्रदर्शन गर्न लागेको उक्त चलचित्र नेपालमा चौथो हप्तामा प्रदर्शन भैरहेको छ । कलाकार अनमोल केसी र सुहाना थापाको मुख्य अभिनय रहेको उक्त चलचित्रको निर्देशन प्रशिद्द नायिका झरना थापाले गर्नु गरेकी हुन् ।
आफ्नो कला, सस्कृति ,भाषाको संरक्षण गरौं नेपाली चलचित्र लाई माया गरौं भन्दै सम्पूर्ण नेपाली दाजुभाइ तथा दिदिबहिनीहरुमा उपस्थित भै चलचित्र हेरि सामाजिक कार्यमा हातेमालो गरिदिनु हुन आयोजक कमिटिका कार्यबाहक अध्यक्ष सुजित घिसिङले अनुरोध गरेका छन् ।