नार्गजुन गुम्बाले मे १९ मा बुद्ध जयन्ती मनाउने

दक्षिण कोरियाको पुरानो नेपाली गुम्बा नार्गजुन गुम्बाले २५६३ औं बुद्ध जयन्ती मे १९ तारिख आइतबार मनाउने भएको छ । गुम्बाले जनाए अनुसार बुद्ध जयन्तीमा विषेश पूजापाठ र बौद्ध प्रवचन हुनेछ ।
विहान १० बजेबाट हुने कार्यक्रम दक्षिण कोरियामा भएका नेपालीहरु सहभागी हुन गुम्बाका लामा प्रमुख उर्गेन लामाले अनुरोध गरेका छन् । ‘बुद्ध जयन्तीको अबसरमा हुने पुजापाठ र धार्मिक प्रवचन शान्ति कामना गर्दै गरिने सदकार्य हो । त्यसैले यो पुनित कार्यमा सहभागी भैदिन दक्षिण कोरियामा रहेका सबैलाई अनुरोध गर्छु ।’ उनले भने ।
नार्गजुन गुम्बाले नियमित रुपमा बुद्ध जयन्ति मनाउँदै आइ रहेको छ भने बिभिन्न समाजिक कार्य पनि गर्दै आइरहेको छ । सउलको जिहाङमा रहेको गुम्बामा नियमित रुपमा पुजापाठ हुनको साथै धार्मिक प्रवचन पनि हुदै आइरहेको छ ।