एनसीसी कोरियाको १७ औ महाअधिवेशन आगामी सेप्टेम्बरमा गरिने
नेपाली सम्पर्क समिति-( Nepalese Consulting Committee) एन सि सि दक्षिण कोरियाले १७ औ महाधिवेशन यहि २०१९ सेप्टेम्बर १४ र १५ तारिख गर्ने भएको छ।
संस्थाकी अध्यक्ष अन्जु के सिको अध्यक्षतामा आइतबार सौलमा सम्पन्न केन्द्रीय बैठकले सो निर्णय गरेको हो ।
कोरियन महान चाड छुसकको लामो बिदामा सबैको फुर्सदलाई बिशेष मध्यनजर गर्दै संस्थाको महाधिवेशन गर्न लागिएको अध्यक्ष अन्जु के सिले बताएकी छिन्।
कोरियाको सब भन्दा पुरानो तथा लामो ईतिहास बोकेको सबै नेपालीहरुको साझा संस्था भएको हुनाले सम्पूर्ण नेपालीहरुको संघ संस्थाका प्रतिनिधित्वलाई समेट्ने मुख्य उद्धेश्य राखि छुसकमा महाधिवेशन गर्न लागिएको कुरा अध्यक्ष केसिले प्रष्ट पारिन।
महाधिवेशन तयारीको लागि मुल आयोजक समिति तथा विभिन्न विभागीय समितीहरु गठन गरिने छ । साथै एनसीसीको साधरण सदस्य बन्न आवहान गर्दै फर्म समेत वितरण गरिने उपाध्यक्ष श्री प्रसाद श्रेष्ठ ले जनकारी दिए ।
त्यसैगरी एनसीसीले यही जुन १६ तारिख आइतबार दोगंदेमुनमा गरिने छुसक सांस्कृतीक कार्यक्रम बाडफडमा सम्पूर्ण संघ संस्थाहरुका प्रतिनिधिहरुहरुलाई सहभागी भै उक्त कार्यक्रमलाई सौहार्द पूर्ण वातावरणमा सम्पन्न गराउनका आग्रह समेत गरेका छन।
