"थाहै नपाई" गीति एल्बमबाट संकलित ५ लाख वोन डोल्मा शेर्पालाई हस्तान्तरण |

बाग्लुंगका रचनाकार नगेन्द्र थापा मगर र पोखराका गायक तथा संगीतकार  बिकाश बिक द्वारा संयुक्त रुपमा  बजारमा लिईएको पप तथा आधुनिक गितको संगालो  ” थाहै नपाई ” एल्बमको यहि डिसेम्बर १३ तारिख आइतबारका दिन  एक कार्यक्रम बीच सौलमा बिमोचन गरिएको थियो | बिमोचनबाट संकलित रकम बोन म्यारो क्यान्सर पिडित बिरामी  दोलखा जिल्ला निबासी डोल्मा शेर्पालाई  सहयोग गर्ने निर्णय स्वरुप सोमबार सुवन स्थित हस्पिटलमा पुगी बिरामीको बैनी छेन्जम शेर्पालाई  भेटी हस्तान्तरण गरियो । डाक्टरको सल्लाह अनुसार बिरामीलाई भेट्न सकिएन नगेन्द्र थापा मगरले भने । त्यसैले बिरामीको सिघ्र स्वस्थ्य लाभको कामना गर्दै, हस्पिटलको बाहिर बैनि छेन्जम शेर्पाको  हातमा ५00000 कोरियन वन ( पाच लाख वन ) हस्तान्तरण गरेका थिए  । आशा छ यो हाम्रो सानो सहयोगले बिरामीको मनोबल बढ्नुको साथै सहयोगी हातहरु थपिदै जानेछन थापाले भने ।