कोरियामा फेरी एक नेपालीको मृत्यु
कोरियामा फेरी एक नेपालीको मृत्यु भएकाे छ । छल्लानाम्दो ख्वाङ्जुमा कार्यरत बिमान राइकाे बुधबार विहान मृत्यु भएकाे हाे ।
जुन १८ तारिख दिउसो ३ बजे कम्पनीमा काम गर्ने शिलशिलामा गम्भिर दुर्घटना परेपछि छल्लानाम्दो ख्वाङ्जु कै Chosun University Hospital को सधन उपचार कक्षमा राखी उपचार हुदै आएको थियो। नेपालकाे घर ओखलढुंगा मानेभञ्ज्याङ गाउँपालिका वार्ड न.६ का २४ वर्षिय राई चार वर्ष अघि काेरिया अाएका थिए ।
डाक्टरले बिरामीको अवस्था जटिल भएकाे बताए पछि कम्पनी र अस्पतालको समन्वयमा मृतक राईका बुवा र दाइ हिजो मात्रै कोरिया आइपुगेका थिए। उनीहरूले हिजो बिहान-बेलुकी बिरामिलाई भेटेका थिए। यस दु:खद घटनाको गम्भिर्यतालाई मनन गरि ओखलढुंगा सेवा समाजले दुर्घटना भएको खबर पाए लगत्तै नेपाली दूतावास सउललाई जानकारी गराइएको ओखलढुंगा सेवा समाजका अध्यक्ष श्रीराम तमुले जानकारी दिएका छन्। ‘हामीले सक्दाे प्रयास गरेका थियाै तर हाम्राे केही लागेन । विरामीकाे अाफन्त पनि काेरिया अाइपुग्ने वितिक्कै वित्नु भयाे । हामी निक्कै मर्माहित छाै ।’ उनले भने ।
कोरियामा नेपालीहरुको औद्योगिक दुर्घटनामा परि ज्यान गुमाउनेको संख्या बढ्दो छ ।
