पूर्वाञ्चल सरोकार समाजको रमाइलो पूर्वेली बनभोज कार्यक्रम सप्पन्न।
पूर्वाञ्चल सरोकार समाज दक्षिण कोरियाद्वारा आयोजित रमाइलो पूर्वेली बनभोज कार्यक्रम भब्य रुपमा सफल भएको छ। उक्त बनभोज कार्यक्रम जुलाई १३ र १४ तारीखका दिन कोरियाको पर्यटकिय स्थल नामयाङ्जुमा आयोजना गरिएको थियो।
बनभोज कार्यक्रममा विभिन्न मिष्ठान्न परिकारहरुका साथै मनोरञ्जनात्मक खेल प्रतियोगिता पनि गरिएको थियो। विभिन्न खेल प्रतियोगिता अन्तर्गत फूटबल खेलमा किरात राई यायोक्खा विजयी भएको थियो। यसैगरी घैला फुटाउने खेलमा एलिसा राई विजेता बनिन् भने तातो आलु खेलमा सरिता तुम्बापोले बाजि मारिन् यसैगरी बेलुन फुटाउने खेलमा अनुप चाम्लिङ राईले अन्तिमसम्म बेलुन बचाएर बिजेता बने। विजेताहरुलाई नगद पुरस्कारद्वारा पुरस्कृत गरिएको थियो भने एलिसा राईले पाँचथर सेवा समाजको तर्फबाट सांगीतिक कार्यक्रमको टिकट समेत हात पारिन्।
पूर्वेलीहरु मात्र नभै अन्य जिल्लाहरुबाट पनि उल्लेख्य उपस्थिति रहेको वनभोज कार्यक्रममा पाँचथर सेवा समाजद्वारा छुसकको अवसरमा गरिने “पाँचथर सांगीतिक सौगात भाग १” को पोष्टर सार्वजनिक गरिएको थियो।
रमाइलो वनभोजमा ओखलढुंगा सेवा समाज दक्षिण कोरियाको तर्फबाट खसी प्रायोजन स्वरुप ओखलढुंगाका अध्यक्ष श्रीराम तमूले समाजका अध्यक्ष अमृत राईलाई नगद चार लाख वन हस्तान्तरण गरेका थिए। यसैगरी ओखलढुंगा सेवा समाजका अध्यक्ष श्रीराम तमूले पूर्वाञ्चल सरोकार समाजकै मातहतमा रहि आगामी कोरियन चाड सलनालको अवसरमा ओखलढुंगाले पनि सांगीतिक कार्यक्रम गर्ने उदघोष गर्दै सम्पूर्ण संस्थाहरुलाई सहयगका लागि अनुरोध गरेका थिए।
पूर्वाञ्चल सरोकार समाजमा आबद्ध रहेका संस्थाहरुबिच आपसी सद्भाव, सहकार्य, एकता,भ्रातृत्व कायम गर्न साथै आत्मीयता बढाउने उद्देश्यले बनभोज कार्यक्रमको आयोजना गरिएको समाजका अध्यक्ष अमृत राइले जानकारी दिएका छन्।
