पाँचथर सांगीतिक सौगातको पोष्टर सार्वजनिक, सविन राई एण्ड ब्याण्डको लाइभ शो हुने
पाँचथर सेवा समाज कोरियाले छुसकमा आयोजना गर्ने पाँचथर सांगीतिक सौगात भाग १ को पोस्टर सार्वजनिक गरेको छ। सांगीतिक सौगात छुसकको दोस्रो दिन अर्थात सेप्टेम्बर १३ तारिख हुनेछ। जुलाई १३ शनिबार नामयाङ्जुको पूर्वेली वनभोज कार्यक्रमा सांगीतिक सौगातको पोष्टर सार्वजनिक गरिएको थियो। सांगीतिक सौगातबाट उठेको रकम अपांग एवम् असहाय बालबालिकाहरुको सहयोगार्थ हुने अध्यक्ष राजेन्द्र चेम्जोङले जानकारी गराएका छन्।
सांगीतिक सौगातमा लोकप्रिय गायक सविन राई एण्ड फारोह ब्याण्डको लाइभ शो हुनेछ। यसअघि कोरिया आएपनी ब्याण्ड सहित सविन राई कोरिया आएको यो पहिलोपटक भएको कार्यक्रम संयोजक कुबिर लिङ्देनले जानकारी गराए। यसैगरी सांगीतिक सौगातमा चर्चित गायिका मेलिना राई, डान्सर माला लिम्बू, नेपाल आइडलकी फाइनालिस्ट अस्मिता अधिकारी, गायिका अमृता लिम्बू र मिलन पूमा राईको पनि बेजोड प्रस्तुति रहने आयोजकले जनाएको छ।
पूर्वाञ्चल सरोकार समाजका अध्यक्ष अमृत राई, पाँचथर सेवा समाजका अध्यक्ष राजेन्द्र चेम्जोङ, कार्यक्रम संयोजक कुविर लिङ्देन, संस्थाका संरक्षक भीमराज चेम्जोङ एवम पूर्वाञ्चलका सल्लाहकार ध्यान राई, केपि सिटौला, डा देवि बहादुर बस्नेत, समसेर पंधाक, जीवनकुमार थापा, नवराज सिवाकोटी, श्याम साम्पाङ राईले संयुक्त रुपमा पोष्टर सार्वजनिक गरेका थिए। यसैगरी आदिवासी जनजाति महासंघका अध्यक्ष युगेल तेन्डुप शेर्पा लगायत पूर्वाञ्चल सरोकार समाजमा आबद्ध संस्थाका अध्यक्ष एवम् प्रतिनिधिहरुपनि सरिक भएका थिए।
विस्तृत जानकारी
पाँचथर सांगीतिक सौगात भाग १
मिति २०१९ सेप्टेम्बर १३ शुक्रबार
समय दिउँसो १२ बजेदेखि
स्थान दूसान/डोट्टा मलको पछाडिको हल (दोङ्देमून)
중구 구민 회과 (NRNA को चुनाव भएको हल)
सम्पर्क
राज लिम्बू ०१०२१९७२३१२
कुविर लिङ्देन ०१०५५७६०५२६
सपना सेलिङ ०१०५९२९४१७३
कमल खुदाङ ०१०३०५२१५१८
ज्ञानु फियाक ०१०८०७१२९२५
