सेवा-सेवारो सांगीतिक कार्यक्रमको पोष्टर सार्वजनिक आइतबार हुने
सेवा-सेवारो सांगीतिक कार्यक्रमको पोष्टर सार्वजनिक सहित अन्तर्कृया कार्यक्रम हुने भएको छ। उक्त कार्यक्रमको पोष्टर अगस्ट ४ तारिख आइतबारका दिन किम्हेस्थित लिटल ईन्डिया रेष्टुरेन्टमा सार्वजनिक गरिने तय भएको छ।
छुसकको अवसरमा सेप्टेम्बर १२ तारिखका दिन किरात याक्थुङ चुम्लुङ र किरात राई यायोक्खा ख्यङ्साङ्नाम्दो शाखाले संयुक्त रुपमा सांगीतिक कार्यक्रमको आयोजना गर्दैछ।
“हाम्रो पहिचान संस्कार, निकाश सहितको सामाजिक अभियान , नेपाली कला संस्कृतिलाई गरौं सम्मान” भन्ने मूल नाराका साथ आयोजना हुने सांगीतिक कार्यक्रमबाट संकलित रकम अनाथ बाल आश्रमका लागि सहयोग गरिनेछ। दर्शकहरुको रुचिलाई मध्नजर गर्दै नेपालबाट बहुचर्चित कलाकारहरूलाई आमन्त्रण गरि भब्य रुपमा कार्यक्रम आयोजना गरिने आयोजकले जनाएको छ।
कोरिया क्यङ्साङ्नाम्दो क्षेत्रमा रहेका सम्पूर्ण नेपाली संघसंस्थाका प्रतिनिधि समाजसेवी, विद्यार्थी, पत्रकार, खेलाडी लगायत विभिन्न पेसामा आबद्ध रहेका नेपालीहरुलाई पोष्टर सार्वजनिक कार्यक्रममा उपस्थित भइदिनहुन आयोजकले अनुरोध गरेको छ।
