छङ्वान नेपाली समाज गठन, अध्यक्षमा मिलन राई
दक्षिण कोरियाको बुसान स्थित खिजाङ्गुन छङ्वान एरियामा बस्ने नेपालीहरुको एक भेलाले आइतबार छङ्वान नेपाली समाजको गठन गरेको छ। समाजको अध्यक्षमा मिलन राई निर्वाचित भएका छन् भने उक्त भेलाले १५ सदस्यीय कार्यकारिणी समितिको समेत चयन गरेको छ ।
निर्वाचित कार्यसमितिमा बरिस्ठ उपाध्यक्षमा अशोक राई, उपाध्यक्षमा निम बमजन र मिलन लामा, सचिवमा सुजन सापकोटा, सह-सचिवमा गोपाल राउत, कोसाध्यक्षमा सुखराज राई र सह-कोसाध्यक्षमा कुबेर पुन मगर रहेका छन् । त्यसैगरी सदस्यहरुमा बिनोद गुरुङ, चुडा बहादुर क्षेत्री, मिलन भण्डारी, डिल्लिराम खड्का, रमेश अधिकारी, झपेन्द्र पाटा र डम्बर बहादुर घिसिङ रहेका छन् ।
“शारिरिक तथा मानसिक तनाबबाट मुक्ती पाउनको लागि यो संस्थाले बिबिध कार्य गर्नेछ”-संस्थाका नवनिर्वाचित अध्यक्ष मिलन राईले बताए । उनले भने, “सफलताको कडि भनेको नयाँ काम गर्नु मात्र नभै सामान्य कामलाई नयाँ तरिकाले गर्नु पनि हो।”
समाजसेवी आनन्द राईले सवै निर्वाचित पदाधिकारीहरुलाई खादा लगाएर सम्मान गरेका थिए भने शुभकामना मन्तव्य दिँदै राईले भने, “नेपालीहरु प्रसस्तै रहेर पनि पहिलोपटक यो क्षेत्रमा नेपाली समाज गठन हुनु आफैमा सुखद कुरा हो ।”
त्यस्तै नेपाली साहित्य समाज, दक्षिण कोरियाका अध्यक्ष यल्जी विवशले सम्पूर्ण पदाधिकारीको पूर्ण सफल कार्यकालको लागि शुभकामना दिदैँ मन्तव्यको क्रममा भने, ” यो एउटा ऐतिहासिक घट्ना हो र यो संस्थाले भोलिको दिनमा खेलकुद ,संस्कृति तथा समाजसेवाको क्षेत्रमा उल्लेखनीय कार्यहरु गर्नेमा म विस्वस्त छु।”
समाजको मुख्य लक्ष्य खेलकुद भए तापनि सामाजिक तथा सांस्कृतिक क्षेत्रमा समेत अन्य संस्थाहरुसँग हातेमालो गरेर अघि बढ्ने नीति रहेको छ । समाजद्वारा कोरियामा रहेका सम्पूर्ण नेपाली फूटबल क्लबहरुलाई समेटेर चाँडै फुट्सल तथा फूटबल टुर्नामेन्टको आयोजना गरिने छ।
