शेर्पा संघ कोरियाले थेगुमा चलचित्र “छ माया छपक्कै” प्रदर्शन गर्ने
नेपालमा सफलताका साथ प्रदर्शन भैरहेको चलचित्र “छ माया छपक्कै” दक्षिण कोरियाको विभिन्न शहरहरुमा पनि अत्याधिक उत्साहजनक रुपमा प्रदर्शन भैरहेको छ । यसै क्रममा आगामी डिसेम्बर १ तारिखका दिन थेगु शहरमा पनि प्रदर्शन हुने भएको छ । आपतकालीन राहतकोष स्थापनार्थ शेर्पा संघ दक्षिण कोरियाद्वारा उक्त चलचित्र प्रदर्शन गर्न लागिएको हो ।
आगामी आइतबार दोङ्सान आर्ट हल थेगु स्टेसनमा हुने चलचित्र प्रदर्शनको सम्पुर्ण तयारी समेत पूरा भैसकेको जानकारी संघका अध्यक्ष आङ पासाङ शेर्पाले जानकारी दिएका छन् । साथै उक्त दिन दिउसो ११ देखी १ बजे सम्मा र साँढे १ बजे देखी ४ बजे सम्मा गरि २ शोमा फिल्म प्रदर्शन हुने जनाएको छ ।
कोरियामा रहेका नेपालीहरुलाई भैपरी आउन सक्ने आपतकालीन समस्याहरुमा सहयोग पुग्न सकियोस् भनेर आपतकालीन राहत कोष स्थापना गर्न लागेको जानकारी दिंदै थेगु क्षेत्रमा रहेका सम्पुर्ण नेपाली दाजुभाइ तथा दिदीबहिनीहरुलाई उपस्थितिका लागी शेर्पाले अनुरोध गरेका छन् । “मनोरञ्जनको साथ साथै सामाजिक कार्यमा पनि सहयोग पुग्ने भएकालेे यसमा सबैले साथ र सहयोग गर्नुहुन हार्दिक गर्न चाहन्छु ।” शेर्पाले भने ।
यस अघि कोरियाकै राजधानी सउल, दोश्रो ठूलो शहर ख्यङसान/बुसानमा र थेगुमा पनि चलचित्र सफलता पुर्वक प्रदर्शन भैसकेको छ ।
दिप्रेन्द्र लामाको कथा र निर्देशनमा तथा रोहित अधिकारीको निर्माणमा बनेको यस चलचित्रमा दिपकराज गिरी, केकी अधिकारी, केदार प्रसाद घिमिरे (माग्ने बुढा), जितु नेपाल (मुन्द्रे), स्वपुष्प भट्टा, बुध्दि तामाङ (हैट), प्रकाश घिमिरे, रमा थपालिया, शिशिर भडेल, अनुराघ कुवाँर, बिष्णु सापकोटा, सबिन बास्तोला, बसन्त भट्टा, शारदा गिरी, दिपक क्षेत्री, सुनिता गौतम, राजनी गुरूङ, कुमार गजुरेल, सन्देश लामिछाने, देव जोशी, प्रदिप न्यौपाने र भिम श्रेष्ठ लगायतका कलाकारहरूको अभिनय देख्न सकिन्छ ।
