स्याङ्जा परिवार किम्हे/बुसान शाखाद्वारा स्याङ्जा माझकोट स्वास्थ्य चौकीलाई स्वास्थ्य सामाग्री सहयोग ।

दक्षिण कोरिया /
स्याङ्जाको वालिङ नगरपालिका वडा नं. ३ मा रहेको स्वास्थ्य चौकीको स्तरोन्नती एवं स्वास्थ्य सेवालाई अझ प्रभावकारी बनाउन कोरियामा रहेको स्याङ्जा परिवार किम्हे/बुसान शाखाद्वारा प्रसूति गृह स्थापनाका लागि सुरक्षित मातृत्वमा अत्यावश्यक सामाग्रीहरु सहयोग स्वरुप प्रदान गरेको छ ।

कोरियन पर्व सलनाल २०१९ को अवसरमा गत ०३ फेब्रुअरी २०१९ मा स्याङ्जा परिवार किम्हे/बुसान शाखाद्वारा आयोजित जिल्लाको ग्रामीण स्वास्थ्य क्षेत्रमा सहयोगार्थ “किम्हे लाईभ लोक दोहोरी सांस्कृतिक कार्यक्रम” बाट वचत भएको रकमले उद्वेश्य अनुरुप उक्त कार्यक्रम आयोजना गरिएको हो ।

स्याङ्जा परिवार किम्हे/बुसान शाखाका निवर्तमान अध्यक्ष राजेन्द्र प्रसाद लामिछानेको स्वागत मन्तव्य सँगै शुरु भएको सो कार्यक्रममा स्याङ्जा परिवार किम्हे बुसान शाखाका तत्कालीन अध्यक्ष जीवलाल काफ्लेले सभापतित्व ग्रहण गरेका थिए भने प्रमुख अतिथिको रुपमा वालिङ नगरपालिकाका मेयर दिलीप प्रताप खाँण, विशेष अतिथिहरुमा वालिङ नगरपालिका वडा नं. ३ का वडाध्यक्ष शुक्रराज गुरुङ, वालिङ नगरपालिकाका स्वास्थ्य प्रमुख कमल पाण्डे, अतिथिहरुमा सोही वडाका वडा सदस्यहरु क्रमशः खिम बहादुर गुरुङ, हेम बहादुर गुरुङ, नरमाया गुरुङ र याम कुमारी सुनार, स्याङ्जा परिवारको प्रतिनिधित्व गर्दै भूपू अध्यक्ष तथा केन्द्रीय वरिष्ठ सल्लाहकारद्वय गुप्त गुरुङ र धर्म गुरुङ, केन्द्रीय सल्लाहकार नवराज वाग्ले, किम्हे-बुसान शाखाका निवर्तमान अध्यक्ष राजेन्द्र प्रसाद लामिछाने, सोही शाखाका वर्तमान वरिष्ठ सल्लाहकार राजकुमार आले रहेका थिए ।

अन्य अतिथिहरुमा वालिङ नगरपालिकाका प्रेस सल्लाहकार तोलाकान्त बगाले, स्वास्थ्य चौकी जग्गादाता स्थानीय समाजसेवी हर्क बहादुर गुरुङ, नेकपा जिल्ला कमिटी सदस्य सूर्य कुँवर, विरुवा गाउँपालिका वडा नं. ४ नेकपा अध्यक्ष नविन कुमार आले, माझकोट हाईल्याण्ड कृषि सहकारी संस्थाका अध्यक्ष गुप्त बहादुर गुरुङ, सोही वडाका सचिव सुभाष गुरुङ, माझकोट स्वास्थ्य चौकी प्रमुख संगिता गहतराज, दियालो UNDP कृषि प्राविधिक शान्त प्रसाद गुरुङ, स्याङ्जा परिवारका सक्रिय सदस्य पदम प्रसाद वाग्ले र अर्जुन लामिछाने, स्थानीय आमा समूह तथा युवा क्लब लगायत स्थानीय जनसमुदायका विच प्रसूति गृह स्थापनार्थका लागि सुरक्षित मातृत्वका औजार र सामाग्रीहरु हस्तान्तरण गरिएको हो ।

कार्यक्रमका प्रमुख अतिथि तथा वालिङ नगरपालिकाका मेयर दिलीप प्रताप खाँणले विदेशमा रगत र पसिना बगाई श्रम बेचिरहेका समस्त नेपालीहरुको एकता, सामाजिक सेवाको भावना र नेपाली मातृभूमिप्रति गरेको अगाध प्रेमको खुलेर प्रशंसा गरे । माझकोट वासी र वरिपरिका सेवाग्राहीलाई बधाई तथा शुभकामना दिनुका साथै यस कार्यक्रमले स्मार्ट सिटीको अवधारणालाई प्रत्यक्ष टेवा पुगेको तर्क अघि सारे । स्याङ्जा परिवारका भूपू अध्यक्ष तथा केन्द्रीय वरिष्ठ सल्लाहकारद्वय गुप्त गुरुङ र धर्म गुरुङले संस्थाको अन्य गतिविधि र सामाजिक क्रियाकलाप बारे संक्षेपीकरण गर्नुका साथै प्रवासमा रहेका स्याङ्जालीहरुको सद्भाव र एकताले यो सबै सम्भव भएको कुरालाई जोड दिए । स्याङ्जा परिवारको स-सम्मान स्मरण गर्दै हरेक स्याङ्जालीहरुको निरन्तर यस्तै भावनात्मक सम्बन्ध र सदसयताको लागी आग्रह गरे । वालिङ नगरपालिका वडा नं. ३ का वडाध्यक्ष शुक्रराज गुरुङले यो सहयोगप्रति खुशी व्यक्त गर्दै स्याङ्जा परिवार किम्हे/बुसान शाखालाई धन्यवाद व्यक्त गरे । प्रसूति गृह स्थापनार्थ सहयोग हस्तान्तरण कार्यक्रम स्याङ्जा परिवार केन्द्रीय सल्लाहकार नवराज वाग्लेले सञ्चालन गरेका थिए ।

“किम्हे लाईभ लोक दोहोरी सांस्कृतिक कार्यक्रम” भव्य सम्पन्न गरेर आफ्नो गृह जिल्लामा यसरी कार्यक्रमको उद्वेश्य अनुसार सहयोग गर्न पाउँदा अति खुशी लागेको स्याङ्जा परिवार किम्हे/बुसान शाखाका वर्तमान अध्यक्ष कमल अर्यालले सुनाए । कोरिया स्थित क्षेत्रिय संस्थाहरु मध्ये स्याङ्जा परिवार एक अब्बल संस्थाको परिचित छ । परदेशी भूमिमा परेका अनेकौं समस्या, परिस्थितिहरुमा आफ्नो शानदार क्रियाशिलता देखाउदै आफ्नो गृह जिल्लामा समेत यसभन्दा अघि दुई वटा एम्बुलेन्स भ्यान प्रदान गर्नुका साथै थुप्रै सामाजिक कार्यहरुमा उपस्थिति जनाउदै आइरहेको छ ।

तस्विरमा/