कोरियामा कोरोना भाइरसको प्रकोप बढनुमा सिन्चेन्जी चर्चको मुख्य भूमिका

दक्षिण कोरियामा आज विहीबार साँझसम्म कोरोना भाइरस संक्रमितको संख्या १७६६ पुगेको छ । कोरियाका रोग नियन्त्रण तथा रोकथाम केन्द्रले जनाए अनुसार आज मात्रै ५०५ जना नयाँ थपिएको छ । मृत्यु हुनेमा १३ जना पुगेको छ । विगत एक सातादेखि दैनिक जसो सयौ संक्रमितको बृद्धी भइ रहेको छ । थेगु शहरमा मात्रै सबैभन्दा बढी ११३२ पुगेको छ ।

सउलदेखि ३०० किलोमिटर टाडा रहेको थेगु कोरियाको एक मुख्य शहर हो । थेगुमा गत साता ६१ वार्षिय एक महिलामा पहिलो पटक भाइरस संक्रमन देखिएको थियो । उनी थेगु स्थित सिन्चेन्जी चर्चमा पुगेका थिए । तीन चार पटक चर्च पुगेकी ती महिलाकै कारण चर्चका धेरै व्यक्तिमा संक्रमन देखिपछि संख्यामा ह्वात्तै बृद्धी भएको हो । थेगुका संक्रमित मध्ये ६० प्रतिशत सोही चर्चसंग सम्बन्धीत छन् ।

सोही चर्चका अनुयायीहरु ८२६९ जनालाई क्वरेन्टाइनमा राखेर जाँच गर्दा विहिबार विहानसम्म ६२२ जना संक्रमित देखिएको जनाइएको छ । हालसम्म चर्चका २ हजार जनाको जाँच गरिसकेका छन् भने अझै ६ हजारको केही दिन भित्र जाँच सकिने बताइएको छ ।

त्यही समयमा जनवरी ३० तारिख थेगुबाट नजिकै ख्यांगसागं भुक्दोको छइ०दो गुन स्थित छइ०दे देनाम अस्पतालमा सोही चर्चका स्थापक ली मान हेको भाईको अन्त्येष्टीमा भेला भएकाहरुमा पनि संक्रमण देखिएको छ । हाल सोही अस्पताका ११४ जना संक्रमित पुगी सकेका छन् । सोही अस्पतालका संक्रमित बनेका मानसीक रोगीहरुलाई उपचार गर्न निकै चुनौती बरिहरको छ ।

सिन्चोन्जी चर्चका अनुयायीहरुलाई जाँच गरिरहेसम्म सक्रमितको संख्या बृद्धी हुन सक्ने भन्दै आगामी एक साता अझै उच्च विन्दुमा रहने अनुमान थेगुका मेयरले गरेका छन् ।

यसैगरी सोही चर्चमा सहभागि भई अन्य शहरमा पुगेका वा चर्चसंग सम्बन्धीत व्यक्तिहरुसंग भेटेपछि अन्य ठाउँका ब्यक्तिहरुमा पनि संक्रमण देखिन थालेका छन् । यसरी नै चारैतिर संक्रमन फैलिन थालेपछि चर्चका ११ सय शाखाहरु बन्द भएका छन् । त्यसैले चर्चले आफ्ना २ लाख १०हजार अनुयायीहरुको नामावली दिएर सुरक्षित गरिदिन हुन सरकारलाई आग्रह गरेको छ ।

तर सरकारले सो चर्चका अनुयायीहरु ३ लाख १० हजार रहेको अनुमान गरेको छ । चर्चका गोप्य संगठन र रणनीतिका कारण सरकाले सो तथ्यकंमा विश्वास गर्न सकेका छैन । त्यसैले सम्पर्कमा नआएकाहरुलाई खोजी गर्न ७५३ प्रहरी परिचालन गरेका छन् । सउलमा मात्रै सो चर्चका २८००० अनुयायी रहेको तथ्यंक सार्वजनिक भएको छ । सउलको खाननाममा भेटिएको पहिलो युवा संक्रमित पनि थेगु पुगेर फर्केपछि पुष्टी भएको छ।

चर्चका सदस्यहरुको संख्या र सुविधाहरुबारे गलत जानकारी प्रदान गर्ने र सरकारको नेतृत्वको निरीक्षणमा बाधा पुर्‍याएको आरोप लगाउदै चर्चको संस्थापकको बिरूद्ध एक नागरिक समूहले मुद्दा दायर गरेका छन् । यस चर्चका ४०० कार्यलय र ७०,००० पहल गर्ने प्रख्यात व्यक्तिहरुको विवरण खुलाउन अस्विकार गरेको दावी उनले गरेका छन् ।

यस चर्चका अनुयायीहरु चिनमा रहेपनि कोरोना भाइरसको प्रकोप फैलिएको उवान शहरमा भने कार्यलय नभएको जनाइएको छ । तर फेब्ररी ९ तारिख बुसामा गरेको विदेशी नेटवर्कको बारे जानकारी गराउने कार्यक्रममा यस चर्चका शाखा उवान शहरमा पनि भएको उल्लेख गरिएको कोरियाका न्युज एजेन्सीले जनाएको छ ।