नाङ्साल साङ्गितिक सौगात कार्यक्रमको आयब्यय सार्बजनिक

तामाङ समाज ख्यङ्साङ बुसान दक्षिण कोरियाको आयोजनामा गत सलनाल एवं २८५६ औं सोनाम ल्होसारको अवसरमा सम्पन्न भएको बृहत सास्कृतिक कार्यक्रम “नाङ्साल सांगीतिक सौगात“ को आयब्यय सार्बजनिक गरिएको छ । आइतबार एक कार्यक्रमको आयोजना गरि समाजले झन्डै एक करोड तीस लाख रूपैया मुनाफा भएको जानकारी गराएको छ ।
लागु औषध र्दुव्यसन विरूद्द निरन्तर रूपमा काम गरिरहेको निता फाउन्डेसन अन्तर्गत मुक्ति पुनर्स्थापना गृह सहयोगार्थ गरिएको उक्त कार्यक्रमको आय तर्फ कुल ३ करोड ९२ लाख ५८ हजार ३ सय ८७ वन र कुल खर्च २ करोड ६४ लाख २३ हजार १ सय ६७ वन गरि १ करोड २८ लाख ३५ हजार २ सय २० वन (करिब एक करोड तीस लाख ) बचत भएको जनाएको छ । किम्हेमा भएको कार्यक्रममा विभिन्न संघ सस्थाका प्रतिनिधिहरुको उपस्थिति रहेको थियो । उक्त कार्यक्रम ऐतिहासिक रुपमा भब्य र सभ्य सफल रहेको कुरा उपस्थित सम्पूर्ण अथितिले बताएका थिए । तामाङ समाजले विगतका कार्यक्रमहरुमा पनि यसैगरी आर्थिक पारदर्शिता देखाउदै आइरहेको र अहिले पनि त्यस्तै आर्थिक पारदर्शिता देखाएकोले यस क्षेत्रका सम्पुर्ण नेपालीको मन जित्न सफल रहेको स्पीड मोबाइल किम्हेका प्रतिनिधि ईश्वर काठायतले बताए । किम्हेको लुम्बिनी रेस्टुरेन्टको कार्यक्रम हलमा संचालित उक्त कार्यक्रममा कार्यक्रमका आर्थिक बिभाग संयोजक एवम् तामाङ समाज ख्याङ्साङ्क बरिष्ठ उपाध्यक्ष धनराज तामाङ्ले आर्थिक आय ब्यय प्रस्तुत गरेका थिए । उक्त कार्यक्रममा संस्थाका अध्यक्ष सुजित घिसिङले समय परिस्थिति अनुकुल हुनासाथ कार्यक्रमको उद्देश्य अनुरूप सहयोग हस्तान्तरण काम अघि बढाईने बताए ।
साथै यस कार्यक्रम लाई ऐतिहासिक रुपमा सफल पार्न आफ्नो कार्य ब्यस्तता बावजुत पनि हरेक तवरले आर्थिक, भौतिक र नैतिक सहयोग गरिदिनु हुने ख्यङ्साङ् क्षेत्रमा रहेको विभिन्न जातीय, क्षेत्रीय संघ(संस्थाहरु , समाजसेवीहरु , बुद्धिजीवीहरु , विभिन्न पेशाका ब्यवासाहीहरु , विद्यार्थीहरु लगायत सम्पूर्ण नेपाली दिदीबहिनी, दाजुभाइलाई पुन हार्दिक धन्यवाद र आभार प्रकट गरे ।