धनकुटा सेवा समाज दक्षिण कोरियाद्वारा कोभिड -१९ को स्वास्थ्य सामाग्री सहयोग
धनकुटा सेवा समाज दक्षिण कोरियाले कोभिड-१९ का लागि चाहिने स्वास्थ्य सामाग्रीहरू आफ्नो जिल्लामा सहयोग गरेको छ। पाँच लाख मूल्य बराबरको आवश्यक स्वास्थ सामग्रीहरु जेठ ३ गते जिल्ला पुगेसकेको छ।
जिल्ला पठाइएका स्वास्थ सामाग्रीहरुमा पिपिइ १५० सेट के.एन-९५ माक्स २०० थान, सर्जिकल माक्स- ४४०० पिस यसैगरी सर्जिकल पन्जा- ९०० जोर ,आई. आर. थर्मोमिटर-९ थान, ह्नयाण्ड स्यानिटाईजर ४५० मिलिको ८३ बोतल, सेफ्टी चश्मा-५० पिस र फेस सिल्ड-११० पिस रहेको छ। गत छुसकमा धनकुटा सेवा समाजद्वारा आयोजित धनकुटा सांस्कृतिक सौगातको मुनाफाको केही अंशबाट सहयोग गरिएको अध्यक्ष परदेश राइले जानकारी गराएका छन्।
धनकुटा जिल्लाको ७ वटै स्थानीय तहहरू, नेपाली सेना बरख गण, नेपाल प्रहरी , शसस्त्र प्रहरी बल , धनकुटा रेड्क्रस, जिल्ला अस्पतल, नेपाल पत्रकार महासंघ धनकुटा, धनकुटामा संचालनमा रहेका एम्बुलेन्सका ९ जना चलाक, नेपाल विद्युत प्राधिकरण धनकुटा गरी जम्मा-१५ निकायहरूलाई वितरण गरिनेछ।
नेपाल रेड्क्रस सोसाइटी धनकुटा र नेपाल पत्रकार महासंघ धनकुटा शाखाको समन्वयमा बिपद व्यवस्थापन समिति, सि.सि.एम.सि. धनकुटाका संयोजक तथा प्रमुख जिल्ला अधिकारी केशव प्रसाद बिमलीद्वारा सम्पूर्ण संस्थाहरुलाई जानकारी गराई औपचारिक कार्यक्रमका बीच हस्तन्तरण गरिने भएको छ।
