गायक तथा सर्जक पुरन गुरुङको “ए ङोल्स्यो मारा” अब बजारमा ।
बोम्जन गुरुङ, सउल कोरिया ।
नेपाली लोक तथा दोहोरी गीत र संगीतको फराकिलो आकाशमा एक उदयीमान गायक तथा सर्जक पुरन गुरुङले गुरुङ भाषाको गीत “ए ङोल्स्यो मारा” बजारमा ल्याएका छन् । गुरुङ संस्कार भित्रको ङोलो-ङोल्स्यो अर्थात सोल्टी सोल्टीनी विचको सम्बन्ध, मायाप्रेमका भावहरु यस गीतमा समेटिएको छ । यस गुरुङ गीतलाई नेपाली भाषामा अनुवाद (सब्टाइटल) राखिएको अर्को आकर्षक पक्ष हो । मिठो शब्द/लय चयनसँगै सुमधुर आवाजले सजिएको छमछमी नाच्न मिल्ने यस गीतको संगीत अझ गज्जबको छ ।
पुरन गुरुङकै शब्द/लयमा रहेको यस गीतमा मनोज गुरुङ र ममता गुरुङको स्वर, तेजेन्द्र गुरुङको संगीत संयोजन र क्यामेरामा खिम बहादुर गुरुङ रहेको यस गीतमा पोष्ट प्रोडक्शनको रुपमा मुनाल फिल्मस् प्रा.लि. पोखरा रहेको छ । निकट भविष्यमा अझ उत्कृष्ट म्यूजिक भिडियो तयार गरिने निर्माण पक्षले जानकारी दिएको छ ।
पुरन गुरुङले एक वर्ष अघि राजु गुरुङ र शर्मिला गुरुङको आवाजमा “बोली फुटेन” लोकदोहोरी गीत पहिलो सांगीतिक कोसेली बजारमा ल्याएका थिए । “ए ङोल्स्यो मारा” भने उनको गुरुङ गीतको पहिलो सांगीतिक कोसेली हो । गुरुङ हाल रोजगारको शिलशिलामा दक्षिण कोरियामा कार्यरत छन् । यो गीत STREAM NEPAL नामक यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला ।]
