कोरियाको बुसानमा भब्यताका साथ मनाए २६ औ विश्व आदिवासी दिवस, बुसान शाखाको अध्यक्षमा रण तामाङ
आदिवासी जनजाती महासंघ बुसान शाखाले आयोजना गरिएको २६ औ विश्व आदिवासी जनजाती दिवस तथा संस्थाको तेस्रो साधारणसभा भव्यताका साथ सम्पन्न भएको छ । यसै सभाको बन्द सत्रबाट रिक्त रहेको अध्यक्ष पदमा वर्तमान कार्यवाहक अध्यक्ष रण तामाङलाई नै अध्यक्षको जिम्मेवारी समेत दिएको छ ।
ख्यङसाङनाम्दो किम्हे शहर स्थित लुम्बिनी रेष्टुरेण्टमा आइतबार( ९ अगष्ट) भएको उक्त कार्यक्रमको खुल्ला सत्र आदिवासी जनजाती महासंघ केन्द्र, दक्षिण कोरियाको अध्यक्ष युगेल तेण्डुप शेर्पाको प्रमुख अतिथ्यामा भएको थियो । त्यस्तै विशेष अतिथिहरुमा एन.आर.एन.ए कोरियाका उपाध्यक्ष सन्जिव राई, तामाङ समाज ख्यङसाङ, मगर संघ किम्हे बुसान शाखा, किरात राई यायोक्खा बुसान शाखा, किरात याक्थुङ चुम्लुङ बुसान शाखा र तमु धिं ख्यङसाङनाम्दो शाखाका अध्यक्ष लगायतको सहभागिता रहेको थियो । साथै बुसान क्षेत्रमा रहेका क्षेत्रीय संघ सस्थाको उल्लेख्य सहभागीता रहेको थियो ।
कार्यक्रमको क्रममा महासंघ दक्षिणकोरियाका अध्यक्ष युगेल तेण्डुप शेर्पाले शुभकामना मन्तव्य राख्ने क्रममा आदिवासी जनजाती महासंघ भनेको एउटा जातिय द्वन्दको मात्र कुरा नभई नेपाली नेपाली बिच एक सुमधुर सम्बन्ध तथा एकले अर्कालाई सहयोगको भावना राख्ने एक संघ रहेको जानकारी गरेका थिए ।
उक्त कार्यक्रम खुल्ला सत्र र बन्द सत्र गरि दुई भागमा बिभाजन गरेर गरिएको थियो । जसमा खुल्ला सत्र तर्फ २६ औ विश्व आदिवासी जनजाती दिवस र तेस्रो वार्षिक साधारण सभा सम्बन्धी शुभाकमना मन्तव्य थियो भने बन्द सत्र तर्फ रिक्त पदहरुमा (अध्यक्ष,व.उपाध्यक्ष, उपाध्यक्ष,सचिव,सहकोषाध्यक्ष र सदस्यहरु)पदुपर्ति तथा वार्षिक प्रतिवेदन प्रस्तुत गरिएको थियो ।
पदपूर्ति पश्चात् महासंघ बुसान शाखाको कार्यसमितिमा अध्यक्षमा रण तामाङ सहित, वरिष्ठ उपाध्यक्षमा परी गुरुङ, उपाध्यक्षहरुमा निमा शेर्पा, सानु राज मगर र तेजु गुरुङ रहेका छन् । त्यसैगरी महासचिवम राम तामाङ, सचिवमा सन्जोग कन्दङ्वा र विक्रम मगर, कोषाध्यक्षमा राज तामाङ, सहकोषाध्यक्षमा शिव थारु, सदस्यहरुमा गीता सिं गरुङ रचित्र तामाङ रहेको छ ।
हाल निर्वाचित नयाँ कार्यसमितिमा सम्पुर्ण जनजाती लाई समान सहभगिता गर्ने उद्देश्यका साथ थारु र शेर्पा समुदाय लाई पनि समेटिएको र नवनिर्वाचित नवनिर्वाचित अध्यक्ष तामाङले जानकारी दिए । साथै ख्यङ्साङ क्षेत्रमा रहेको क्रियासिल सम्पूर्ण संघ संस्थाहरुसङ्ग हातेमालो र सहकार्य गर्दै अगाडी बड्ने बताएका छन् ।
कार्यक्रम संस्थाको महासचिव राम तामङ तथा सचिव सन्जोग कन्दङ्वाले संचालन गरिएको थियो ।
