आज देखि सउलमा १० जना भन्दा बढी जम्मा हुन नपाइने
दक्षिण कोरियामा केहिदिन देखि फेरि कोरोना भाइरसको संक्रमण बढ्दै गरिरहेको छ । विशेष गरि राजधानी सउल र आसपासका क्षेत्रमा संक्रमन बढ्न थालेपछि १० वा सो भन्दा बढी ब्यक्तिहरुको सहभागीमा सभा वा जुलुस गर्न नपाइने नियम लागु गरेको छ ।
सउल महानगरका अनुसार अगस्ट २१ शुक्रबारबाट यो नियम लागू हुनेछ भने ३० अगस्टको मध्यरात सम्म कायम रहनेछ ।
यस अघि सउल स्थानीय सरकारले १ सय जना सम्मको सहभागी हुन पाउने नियम लागु गरेको थियो । तर यो प्रभावकारी नभएपछि थप कडाइ गरिएको हो ।
त्यस्ता नियम उल्लंघन गर्नेलाई कडा जरिवानाको समेत व्यवस्था गरेको छ ।
यदी कसैले यस नियमको उल्लंघन गरेमा ३० लाख कोरियन वन अर्थात करिब २५ सय डलर भन्दा बढी जरिवाना तिर्नु पर्ने समाचार एजेन्सी योनहापले जनाएको छ । साथै कोरोना भाइरस फैलाउने ब्यक्ति वा संस्था विरुद्ध अपराधिक मुद्दा समेत दायर गर्ने योजना भनाएको जनाएको छ ।
पछिल्लो समय सउलमा पादरी जून क्वांग-हूनको नेतृत्वमा सरकार बिरोधि र्याली भएको थियो । जहाँ अधिकांस उमेर बढी भएका नागरिकहरु सयौंको संख्यामा सहभागी भएका थिए ।
सउल क्षेत्रमा रहेको पास्टर जुनको चर्चका मात्रै ६ सय ३७ जनलाई कोरोना पोजेटिभ देखिएको थियो । जस मध्ये १८ जना र्यालिमा सहभागी भएका थिए । त्यसैले यस्ता सभा, जुलुस र र्याली कोरोना भाइरस फैलिने मध्य बन्न सक्ने देखेर १० जना भन्दा बढी सहभागीतामा प्रतिबन्ध लगाएको देखिन्छ ।
