कोरियामा सुर्खेत निवासी एक युवाको अचानक मृत्यु
सुर्खेत चौकुने गाउपालिका वडा नं ४ निवासी गगन रावलको मंगलबार सुतेकै अवस्थामा अचानक मृत्यु भएको सुर्खेत समाज दक्षिण कोरियाको अध्यक्ष बखत थापाले जानकारी दिए । मृतक रावल ख्यांगीदो प्रान्तको यशु स्थित एक सिसा कम्पनीमा कार्यरत थिए ।
ठूलो आवाज आएपछि अचानक विउझिएका संगै सुतेका साथीले रावललाई बेहोस अवस्थामा देखेपछि अस्पताल पुराउदा मृत घोषणा गरिएको थियो । इपिएस मार्फत कोरिया आएका मृतक रावल ४ वर्ष १० महिना कार्यकाल सकेर आगामी अप्रिल १० तारिख नेपाल जाने तयारीमा थिए । उनी पुन सोही कम्पनीमा आउने योजनामा रहेका थिए ।
सोही कम्पनीमा ११ जना जति नेपाली कार्यरत भएपनि हाल २ जना मात्रै रहेका थिए । नेपालबाट संगै आएका दुवै जना हाल संगै नेपाल फर्कने तयारीमा थिए । संगै बस्ने साथीका अनुसार सोझा र मिलनसार रावलले सोही दिन कम्पनीकै पार्टीमा गएपनि कहिलै नलिने गरेकाले नशा लिएका थिएन्न । २६ वर्षिय रावल परिवारका एक्ला छोरा थिए ।
मृत्यु भएको अवस्था हेर्दा हृदयघातको आशंका लागेपनि अस्पतालको आधिकारीक पोष्टमार्ट रिपोर्ट नआएसम्म अनुमान मात्र गर्न सकिने समाजका अध्यक्ष थापाले बताए । हाल उनको शब स्थानिय अस्पतालमा राखिएको छ । उनको शब नेपाल पठाउन धेरै खर्च लाग्ने भएकाले सुर्खेत समाज दक्षिण कोरियाले मृतकको नाममा आर्थिक संकलन अभियान शुरु गरेको जानकारी गराउदै कोरियाबासी सम्पूर्ण नेपालीहरुमा सहयोगको अपिल गरेको छ ।
