मजदूर ज्याला निर्धारण समितिमा रस्साकस्सी जारी नै, ७ देखि ८ प्रतिशत बढ्ने सम्भावना

फोनिज कोरिया संवाददाता
सोल- २०१६ को जनवरी १ देखि लागु हुने गरि कोरियामा कार्यरत मजदूरहरुको तलब बढाउन हिजो देखि बसेको ज्याला निर्धारण समितिको बैठक बुधबार बेलिकीसम्म पनि जारी नै रहेको छ |
 
मजदूरहरुको ज्याला निर्धारणबारे सरकारि प्रतिनीधि, मजदूर प्रतिनीधि र कम्पनि ब्यबस्थापन प्रतिनीधिबीच आ-आफ्नो अडानमा रस्साकस्सी चलिरहेको एक मजदूर प्रतिनीधिले फोनिज कोरिया डटकमलाई बताए |
 
‘७ देखि ८ प्रतिशत बढ्ने सम्भावना छ |’ ती प्रतिनीधिले भने | उनका अनुसार सरकारले गतबर्ष मजदूरको तलब धेरै बढाउनुपर्छ भने पनि अर्को बर्ष संसदीय चुनाब हुने भएकाले पनि सरकारले कम्पनि ब्यबस्थापनलाई धेरै तलब वृद्धि गर्न दबाब दिन सकेको छैन |
 
त्रिपक्षीय बैठक समितिको कार्यालय थेजनमा जारी रहे पनि मजदूर प्रतिनीधिहरु बैठक परिसर बाहिर छन् | उनीहरुले सरकार र कम्पनि ब्यबस्थापनको प्रस्तावलाई अस्विकार गर्दै बुधबार बिहान पत्रकार सम्मेलन गरेका थिए |
 
–प्रतिघण्टा   ८,१०० वन देउ – कोरियाली मजदूर संगठन
–प्रतिघण्टा ५९४०-६१२० वनमा सम्झौता गर -सरकार
–प्रतिघण्टा ५७१५ भन्दा बढी दिन सकिंदैन -कम्पनि ब्यबस्थापन
 
ओईसिडीका मुख्य सदस्यहरु मध्ये मजदूरको तलब कोरियामा सबैभन्दा कम रहेका कारण, प्रवासी ,अस्थायी तथा महिला मजुदूरको जिबनस्तर उकास्न वर्तमान तलब स्केलको ७९ प्रतिशत अर्थात प्रतिघन्टा १० हजार वन हुनुपर्ने माग केसिटियु र एमटियुले गर्दै आए पनि आज बिहान प्रति घण्टा ८ हजार १ सय वन सम्ममा समझदारी गर्न सकिने बताएका थिए |