कोरियामा विदेशीलक्षित ड्राइभिङ लाइसेन्स तयारी कक्षाको आवेदन खुल्ला
दक्षिण कोरिया । विदेशी चालकलक्षित सवारी चालक इजाजतपत्र (लाइसेन्स)को सुसो पुलिस स्टेशनले तयारी कक्षा सञ्चालन जून महिनामा गर्ने भएको छ ।
विदेशी इच्छुक जोकोहिले यथाशीघ्र जुन २१ तारिख आइतबारभित्र व्यक्तिगत विवरण नाम, ठेगना र सम्पर्क नम्बर आवेदनपश्चात सहभागि हुन सकिने सुसो पुलिस स्टेशन इनिस्पेकटर 강혜숙 (घाङ ह्ये सुग) ले जानकारी दिए ।
पुलिस स्टेशनले प्रत्येक ६/६ महिनामा कक्षा सञ्चालन गर्दै आइरहेकोमा यस पटक जूम भर्च्युलमाध्यमबाट जून २७ र जुलाइ ४ तारिखमा निशुल्क तयारी कक्षा सञ्चालन गर्ने भएको छ ।
पछिल्लो समय कोरियामा बिना लाइसेन्सका चालकको कारणले सवारी दुर्घटनामा बढेपछि कोरियन गृह मन्त्रालयको प्रशासनिक निकयले चेकजाँचसमेत कडाइ गरिरहेको छ ।
विदेशी चालकलक्षित सडक दुर्घटना न्यूनिकरण गर्दै सुरक्षित यात्रासहितको सवारी साधन, ट्राफिक सम्बन्धी सम्पुर्ण जानकारीहरू दिने उदेश्यले कक्षा सञ्चालन गर्न लागिएको जानकारी दिएको छ ।
२५ जनासम्म सहभागिता हुन सकिने तयारी कक्षामा विश्वव्यापी महामारी कोरोनाको कारणले गर्दा भर्च्युलमाध्यम जूमबाट सञ्चालन हुनेछ ।
