सामाजिक अभियानता रामबाबु सेवानको गीत ‘मरेर लास’ सार्वजनिक
सामाजिक अभियानता रामबाबू सेवानद्वारा लेखिएको गीत ‘मरेर लास’ भिडियाे सहित युटुवमा सार्वजनिक भएको छ । जसमा स्वार राम कृष्ण ढकालको रहेको छ भने संगीत बिबि अनुरागिको रहेको छ ।
पछिल्लो दुई महिना यता नेपालमा कोरोना भाइरसको कारणले कडा लकडाउन भएता पनि नेपाली गीत संगितहरु भने सामाजिक सञ्जालकाे उपयाेग गर्दै सार्वजनिक भैइरहेका छन् । यही समयको बिचमा थुप्रै गीत संगितहरुले चर्चा परिचर्चा पनि पाएका छन् । यसैक्रममा परदेशीएका नेपालीहरुको कथा बेथालाई आधारित बनाएर लेखिएको गीत सार्वजनिक गरेको हो । उक्त गीतमा लेखक सेवान आफैले मोडलिङ गरेका छन् भने भिडियो निर्देशन पनि आफैले गरेका छन् । यसैगरी भिडियोमा चर्चित मोडल सरिका केसी, रोजेन सुन्दास र रामबाबु सेवनको दमदार अभिनय रहेको छ ।
यो गितमा परदेशमा गएर पैसा कमाएपनि सपना पुरा हुन नसकेको कुरा दर्साउन खोजिएको छ। गितमा कम्पनिमा संगै काम गर्ने सहकर्मी पर्सिपल्ट नेपाल फर्किदै गरेकोमा अकस्मात दुर्घटना भएर बिदेशमै मृत्युवर्ण गर्नुपर्दाको दु:खद पल र खुसिका सबै सपना बिदेश मै चकनाचुर भएको दु:खद यथार्थलाई समेटिएको छ ।
बिदेशमा हुने दु:ख, कष्टलाई अभिनय मर्फत ऎना जस्तै छर्लङ्ग पारिएको छ । गीत मार्फत ब्यक्त भएका भावहरु धेरै परदेशी युबाहरुको वास्तविकता पनि हाे । यो गितमा देश भक्ति र देशको मायामापनि समर्पित गरिएको छ । गीत सार्वजनिक भए लगत्तै युटुबमा निकै सकारात्मक प्रतिक्रियाहरु आइरहेका लेखक सेवानले जनाएको छ । गीतलाई ‘रामबाबु अफिसियल’ युटुब च्यानल मार्फत सार्वजनिक गरिएको हो ।
सामाजिक अभियानताको रुपमा समाजसेवामा सक्रिय सेवान आफै पनि केही महिना अघि दक्षिण कोरियाको रोजगारीबाट फर्किएको हो ।
(भिडियो)
