२०२२ का लागि काेरियामा बढ्याे तलब
सन २०२२ का लागि दक्षिण कोरियामा मजदुरको तलब वृद्धि भएको छ । जसअनुसार मजदुरले अव प्रतिघण्टा न्यूनतम ज्याला ९१६० वोन ($७.९८) प्राप्त गर्न सकिनेछ । जुन ५.१ प्रतिशतले वृद्धि हो ।
अहिले कोरियामा प्रतिघन्टा ८७२० वोन रहेको छ ।
सरकारी भवन सेजोङमा सोमबार मध्यरातमा २७ सदस्यीय न्युनतम ज्याला निर्धारण समितिको क्लोज क्याम्पले उक्त ज्याला निर्धारण गरेको हो । समितिको सदस्यहरुमा मजदुर युनियन, उद्योगी र सार्वजनिक क्षेत्रका ९/९ जना सदस्य रहेका थिए ।
प्रस्तावित ज्याला वृद्धिको विरोधमा उद्योगी तर्फबाट नौ जना सदस्य र चार युनियनका प्रतिनिधिहरूले कोठा छोडेका कारण 14 जनाले मात्र मतदानमा भाग लिएका थिए । जसमा १३ जनाले पक्ष र १ जनाले विपक्षमा मतदान गर्दै पारित गरिएको हो ।
ज्याला निर्धारणका लागि मजदुर युनियनले १० हजार वाेन (१४.७प्रतिशत वृद्धि) पुर्याने प्रस्ताव राखेका थिए भने उद्योगगीहरूको तर्फबाट ८८५० वाेन(१.५ प्रतिशत वृद्धि) मात्र प्रस्ताव राखेका थिए ।
यसरी अझै एक हजार वन पनि नपुर्याइएकोमा भने मजदुर युनियनहरुले असन्तुष्टि जनाएको छ । वर्तमान राष्ट्रपति मुन जे-इनले आफू निर्वाचित हुँदैगर्दा मजदुरको न्युनतम ज्याला सन २०२० सम्ममा प्रतिघन्टा दस हजार पुर्याउने प्रतिबद्धता जनाएका थिए । तर उद्योगीको चर्को विरोध र कोविड-१९ लगायतका कारण देखाउदै अहिले सम्म पनि दस हजार वन पुर्याउन सकिएको छैन ।
जब कि ज्याला निर्धारण गर्ने यो नै मुन जे-इनको अन्तिम अवसर हो ।
ज्याला निर्धारणबाट साना तथा मझौला उद्योगीहरु पनि असन्तुष्ट रहेको जनाएको छ ।
अहिले अनुमोदित पारिश्रमिक श्रम र रोजगार मन्त्रालयमा बुझाउनेछ जसले अगस्ट सम्म आधिकारिक घोषणा गर्नुपर्नेछ। यदि अनुमोदन भएमा यो अर्को वर्ष जनवरी १ देखि लागू हुनेछ।
