एनआरएन कोरियाको अन्तराष्ट्रिय महाधिवेशको प्रतिनिधी चयनको फर्म भर्ने अन्तिम मिती जुलाई २०
गैर आवासीय नेपाली संघको आगामी अक्टोबर २३ देखि २५ सम्म नेपालमा आयोजना गरिने १० औ अन्तराष्ट्रिय महाधिवेशनको लागि प्रतिनिधी चयन गर्न एनआरएन दक्षिण कोरियाले फर्म खुला गरेको छ । फर्म भर्ने मिती जुलाई २० साँझ ५ बजेसम्म तोकिएको आठौं कार्यसमितिको लागि गठित निर्वाचन समितिले शनिबार पत्रकार सम्मेलन गरी जानकारी दिएको छ ।
एनआरएन कोरियाका अन्तरराष्ट्रिय समन्वय परिषद (आइसीसी) र राष्ट्रिय समन्वय परिषद (एनसीसी) मा हाल र बिगतमा काम गरीसकेका व्यक्तिहरु मध्ये बाट ६५ प्रतिशत चयन गरिने छ । साथै राष्ट्रिय समन्वय परिषदका पञ्जिकृत सदस्यहरु बाट २५ प्रतिशत प्रतिनिधि छनौट गरिने निर्वाचन समितीले जनाएको छ ।
आइसीसीका सल्लाहकार, संरक्षक, मानार्थ सदस्य र पूर्व पदाधिकारीहरु, आइसीसी अन्तरगत गठीत विभिन्न समितीका संयोजक, उपसंयोजक र सदस्यहरु रहने छन् भने एनसीसीका सदस्यहरु तथा पूर्वपदाधीकारी र सदस्यहरु, पछिल्लो निर्वाचनका उपविजेताहरुबाट ६५ प्रतिशत चयन गरिनेछ ।
त्यसैगरी एनआरएनए कोरियाका पंजीकृत सदस्यहरु मध्ये विद्यार्थि भिषामा रहेका बाहेकबाट २५ प्रतिशत चयन गरिने छ । आवश्यक भन्दा बढी आवेदन परेमा लामॊ अवधी सम्म संघको पदाधिकारी वा पंजीकृत सदस्यता रहेकोलाई प्राथमिकता दिईनेछ ।
हिजो साँझ २०२१ जुलाई २१ तारिख सम्पन्न अन्तर्राष्ट्रिय समन्वय परिषद्को बैठकले अन्तर्राष्ट्रिय कार्यकारी सचिवालयका पदाधिकारीहरुको निर्वाचनका लागि प्रतिनिधिको शुल्क नलिने निर्णय गरेकोले आगामी १० औ महाधिवेशनको प्रतिनिधी बन्न इच्छुकहरुले फर्म भर्दा कुनै शुल्क लाग्ने छैन । यदी कसैले फर्म शुल्क बुझाएको भए फिर्ता गरिने निर्णय पनि गरेको छ ।
गैरआवासीय नेपाली संघ अन्तर्राष्ट्रिय समन्वय परिषदको बिधानको दफा १३ को उपदफा १३।७ बमोजिम अन्तर्राष्ट्रिय महाधिवेशनको प्रतिनिधी चयन गर्न लागेको निर्वाचन समितीले जनाएको छ ।
