शेर्पा संघकाे अधिवेशन सम्पन्न, अध्यक्षमा थुतुङ गेल्जी शेर्पा चयन
शेर्पा संघ दक्षिण कोरियाकाे चौथो अधिवेशन साेमबार सम्पन्न भएको छ । अधिवेशनबाट थुतुङ गेल्जि शेर्पाको अध्यक्षतामा नयाँ कार्यसमिति चयन भएकाे छ ।
नेपाल अदिवासी जनजाति महासंघ कोरियाको अध्यक्ष युगेल तेन्डुप शेर्पाको प्रमुख अातिथ्यतामा सम्पन्न अधिवेशनबाट वरिष्ठ उपध्यक्षमा आङ सोनाम शेर्पा, महिला उपाध्यक्षमा पेमालक्की शेर्पा, महासचिव नवाङ शेर्पा, साँस्कृतिक विभाग प्रमुख आङ ङिमा शेर्पा र सदस्य दिकी शेर्पा निर्वाचित भएका छन्।
जुम मार्फत भएकाे अधिवेशनमा काेरियमा रहेका विभिन्न संघसंस्थाकाे प्रतिनिधिहरूले कार्यक्रममा शुभकामना सन्देश दिएका थिए । त्यसै क्रममा महासंघका अध्यक्ष युगेल शेर्पाले पहिचानकाे मुद्दा अन्य समुदायकाे पनि भएकाेले सबै एक हुन पर्ने कुरा बताए । उनले नेपालमा बस्ने सबै नागरिकले समान अधिकार पाउने समाज बताए ।
