एमटियुको प्रशिक्षण कार्यक्रम सम्पन्न
रोशन राई
सोल -प्रवासी मजदुर सङ्घ् (एमटियु) कोरियाले आईतवार सुवोनस्थित कोरियन प्रजातान्त्रीक मजदुर महासङ्घको भवनस्थित पाँचौ तल्लामा प्रशिक्षण कार्यक्रम सम्पन्न गरेको छ ।
प्रवासी मजदुर सङ्घ (एमटियु) कोरियाले बिभिन्न १५ मुलुकबाट भित्रीएका मजदुरहरुको हक अधिकार सम्बन्धी नियम्, कानून साथै प्रवासी मजदुरहरुको समस्याहरुमाथी केन्द्रीत रहँदै आईतबार प्रशिक्षण दिएको हो ।
सन २००५ मा स्थापित एमटियु कोरियालाई , स्थापनाको एक दशक पछी मात्रै गत जुन २५ को दिन कोरियाको सर्वोच्च अदालतले बैधानिकता दिईनुपर्ने सकारात्मक फैसला गर्दै आउँदो दिनहरुमा कुनै पनि कम्पनीका मजदुरहरुले आफ्नो अधिकारबारे कुरा राख्न पाउने तथा अधिकारको निम्ती मजदुर संगठन खोलेर मजदुर कृयाकलाप गर्न पाइने भएको हो |
सर्वोच्चले बैधानिकता दिईनुपर्छ भन्ने एमटियुको पक्षमा फैसला गरेपछिको पहिलो प्रशिक्षण कार्यक्रम एमटियु कोरियाले सुवोनमा गरेको हो । उक्त प्रशिक्षण कार्यक्रममा सुवोन्, किम्पो, फेन्तेक्, गुन्पो,आन्सङ्, ह्वासङ्सी , सोलबाट भब्य रुपले प्रवासी मजदुरहरुले उपस्थित जनाएर मजदुर अधिकार ,नीति,नियमबारे धेरै जानकारी लिएपछी आउने दिनहरुमा आईपर्ने समस्याहरु हल गर्न निकै सहज हुने उपस्थित प्रशिक्षार्थीहरुले वताए ।
कार्यक्रम दिनको ठिक दुई बजेदेखी ५ बजेसम्म संचालन भएको थियो ।कार्यक्रममा प्रवासी मजदुर सङ्घ (एमटियु) का अध्यक्ष उदय राईले प्रशिक्षण दिनुभएको थियो , भने अब आउँदो दिनहरुमा यस्तो जानकारीमूलक प्रशिक्षण कार्यक्रम कोरियाको बिभिन्न ठाउँहरुमा गरिने समेत अध्यक्ष राईले वताए ।
